web counter
LEXO PA REKLAMA!

SHKARKO APP

App Store
Google Play

Sekretari amerikan i Mbrojtjes, Hegseth: Goditet anija kolumbiane për kontrabandë droge, 3 të vrarë

19 Tetor 2025, 19:09, Kosova & Bota CNA

Sekretari amerikan i Mbrojtjes, Hegseth: Goditet anija kolumbiane për

Sekretari amerikan i Mbrojtjes, Pete Hegseth deklaroi sot se forcat amerikane sulmuan një anije kontrabande droge dhe se nga sulmi u vranë tre persona. Sekretari u shpreh se anija ishte e lidhur me një grup gueril kolumbian.

“Anija dihej nga inteligjenca jonë se ishte e përfshirë në kontrabandën e paligjshme të narkotikëve, po udhëtonte përgjatë një rruge të njohur të trafikut të narkotikëve dhe po transportonte sasi të konsiderueshme të lëndëve narkotike”,-tha Hegseth në një postim në platformën ‘X’.

Hegseth tha se sulmi kishte në shënjestër një anije të lidhur me Ejercito de Liberacion Nacional, një grup guerilas kolumbian që SHBA-të e kanë konsideruar si një organizatë terroriste që nga vitet 1990.

Sekretari tha se sulmi ndodhi në ujëra ndërkombëtare dhe brenda zonës së përgjegjësisë së Komandës Jugore të SHBA-së, e cila përfshin Detin e Karaibeve.

Administrata Trump ka thënë se SHBA-të janë në një konflikt të armatosur jo-ndërkombëtar me kartelet e drogës, duke argumentuar se narkotikët që ata kontrabandojnë vrasin dhjetëra mijëra amerikanë çdo vit, duke përbërë një sulm të armatosur./CNA





Lajmet e fundit nga