LEXO PA REKLAMA!

SHKARKO APP

“Sateliti spiun”/ Koreja e Veriut thyen rregullat, fotografon Pentagonin dhe Shtëpinë e Bardhë

28 Nëntor 2023, 15:45, Kosova & Bota CNA
“Sateliti spiun”/ Koreja e Veriut thyen rregullat, fotografon
Kim Yong Un

Sateliti spiun i Koresë së Veriut mund të ketë fotografuar aeroplanmbajtëset bërthamore amerikane, Pentagonin dhe Shtëpinë e Bardhë.

Koreja e Veriut lëshoi një javë më parë një satelit spiun në orbitë, ndërsa agjencia shtetërore e lajmeve të Koresë "KCNA", ka cituar diktatorin Kim Jong Un, i cili ka pranuar se përmes këtij sateliti ka dërguar imazhet e para të fotografuara, mes të cilave dy vende të qeverisë amerikane.

"The Guardian" shkruan se sateliti ka bërë gjithashtu fotografi të një baze detare të SHBA-së, një kantier detar dhe një aeroport në Virxhinia, duke shtuar se në imazhe duken katër aeroplanmbajtëse bërthamore amerikane dhe një aeroplanmbajtëse britanike.

Veriu gjithashtu ka pohuar se sateliti ka marrë fotografi të instalimeve ushtarake në Korenë e Jugut, si dhe në territorin amerikan të Paqësorit të Guam dhe shtetin e Hawait, por asnjë nga imazhet nuk është bërë publik.

Sateliti spiun, i cili mendohet se është krijuar me ndihmën teknologjike ruse, shkaktoi zemërim në këshillin e sigurimit të OKB-së të hënën.

Zyrtarët e inteligjencës së Koresë së Jugut kanë thënë se besojnë se Rusia ka ndihmuar Veriun të lëshojë Malligyong-1 në këmbim të municioneve për luftën në Ukrainë./CNA

 

Lajmet e fundit nga