web counter
LEXO PA REKLAMA!

SHKARKO APP

App Store
Google Play

E fundit!

x

“Rusia po tenton të nxisë luftë në Ballkan”/ Stoltenberg: Do të bëjmë gjithçka të ruajmë stabilitetin në rajon

28 Nëntor 2023, 12:14, Kosova & Bota CNA
“Rusia po tenton të nxisë luftë në Ballkan”/
Shefi i NATO-s, Jens Stoltenberg

Shefi i NATO-s, Jens Stoltenberg, ka komentuar deklaratat e Presidentit të Ukrainës, i cili më herët është shprehur se Rusia po tenton të nxisë luftë edhe në Ballkan.

Stoltenberg bëri me dije se NATO do të bëjë gjithçka që të mbajë stabilitet në rajon, sepse është e rëndësishme, jo vetëm për rajonin, por për gjithë Evropën dhe NATO-n.

“NATO do të bëjë çfarëdo që duhet që të mbajë stabilitet në rajon, sepse është e rëndësishme, jo vetëm për rajonin, por për gjithë Evropën dhe NATO-n”, tha Stoltenberg.

Po ashtu në deklaratën e tij Stoltenberg nënvizoi faktin se tensionet mes Kosovës dhe Serbisë janë në rritje, duke përmendur dhe konfliktet e ndodhura më parë, si agresion në komuna dhe sulmin në Banjskë ku u vra polici, Afrim Bunjaku.

“Çfarë pamë atje është se tensionet janë duke u rritur. Kemi parë rritje tensionesh dhe retorikë përçarëse në Bosnjë e Hercegovinë. Kemi parë disa incidente serioze të dhunës në Kosovë, përfshirë sulmin mbi paqeruajtësit e NATO-s ku 93 ushtarë janë lënduar, disa prej tyre me lëndime serioze.

Dhe po ashtu pamë edhe incidentin e Banjkës ku disa njerëz janë vrarë në shtator në Kosovë. Këto janë incidente serioze dhe ne duhet të qëndrojmë të fokusuar në Ballkanin Perëndimor dhe në të njëjtën kohë ndaj luftës në Gaza dhe për të vazhduar t’i japim mbështetjen Ukrainës”, tha Stoltenberg.

Shefi i NATO-s theksoi se do të punojë me BE-në dhe misionet për ruajtjen e stabilitetit në Ballkan.

“Do të punojmë bashkë me partnerët, aleatët në rajon për të siguruar që të bëjmë çfarë duhet për të reduktuar tensionet”, tha Stoltenberg./ CNA





Lajmet e fundit nga