web counter
LEXO PA REKLAMA!

SHKARKO APP

App Store
Google Play

"Rihapja e Ngushticës së Hormuzit të jetë pa taksa"/ Meloni: Italia, e gatshme të kontribuojë në sigurinë e lundrimit

16 Maj 2026, 22:42, Kosova & Bota CNA

"Rihapja e Ngushticës së Hormuzit të jetë pa

Kryeministrja e Italisë, Giorgia Meloni ka marrë pjesë në Forumin Evropë-Gjiri Persik në Greqi, ku gjatë fjalës së saj ka deklaruar se Ngushtica e Hormuzit duhet të rihapet pa asnjë pagesë apo kufizim.

Meloni u shpreh se  Italia është e bindur se një zgjidhje e qëndrueshme për krizën e vazhdueshme në ngushticë duhet të bazohet në disa pika thelbësore.

Ndër të tjera shtoi se janë të gatshëm të kontribuojnë në sigurinë e lundrimit, sapo Ngushtica e Hormuzit të hapët.

“E para është rihapja e Ngushticës së Hormuzit, pa taksa apo kufizime diskriminuese, sepse prosperiteti jo vetëm i Mesdheut dhe i Gjirit, por i të gjithë botës varet nga liria e lundrimit. Italia është gati të bëjë pjesën e saj për të kontribuar, sapo të krijohen kushtet e duhura, në sigurinë e lundrimit, duke u bazuar në atë që është bërë tashmë në Detin e Kuq dhe Oqeanin Indian me misionet (e Bashkimit Evropian) Aspides dhe Atalanta”, u shpreh Meloni.

Kryeministrja italiane gjithashtu pohoi se Iranit nuk mund t'i lejohet të pajiset me armë bërthamore dhe, për rrjedhojë, të kërcënojë fqinjët e tij. /CNA





Lajmet e fundit nga