web counter
LEXO PA REKLAMA!

SHKARKO APP

App Store
Google Play

E fundit!

x

Protestat në Serbi/ Dyshime se janë përdorur armë zanore

18 Mars 2025, 13:54, Kosova & Bota CNA

Protestat në Serbi/ Dyshime se janë përdorur armë zanore

Në Serbi po shtohen thirrjet për një hetim mbi dyshimet se forcat e sigurisë përdorën një armë zanore të ndaluar mbi turmat, në një tubim të madh paqësor kundër korrupsionit më 15 mars.

Grupet serbe të të drejtave dhe zyrtarët e opozitës pretendojnë se një armë e tillë që lëshon një rreze të synuar për të paaftësuar përkohësisht njerëzit, është përdorur në protestën e së shtunës, edhe pse është e ndaluar në Serbi. Ata thanë se do të ngrenë akuza në gjykatat ndërkombëtare dhe vendase kundër atyre që urdhëruan sulmin.

Ndërkohë, presidenti i Serbisë, Aleksandar Vuçiç, mohoi mbrëmë se forcat e tij policore kanë përdorur një armë zanore të ndaluar për të shpërndarë protestuesit në Beograd.

"Është një gënjeshtër e ndyrë. Kam pasur rastin ta shoh këtë armë jashtë vendit dhe lëshon një tingull të fortë, shpues. Ai zë nuk është dëgjuar në rrugët e Beogradit të shtunën mbrëma",- tha Vuçiç.

Dyshimet dhe akuzat

Gjatë një heshtjeje përkujtimore pesëmbëdhjetëminutëshe, dëshmitarët okularë raportuan se kishin dëgjuar një zhurmë të papritur therëse, duke shkaktuar që turma të shpërndahej në panik.

Duke folur për mediat lokale, analisti ushtarak Aleksandar Radiç, tha se tingulli duhet të ketë origjinën nga një pajisje akustike me rreze të gjatë (LRAD), e njohur zakonisht si një armë zanore.

Përdorimi i një arme të tillë është i paligjshëm, sipas ligjit të policisë serbe./CNA





Lajmet e fundit nga