web counter
LEXO PA REKLAMA!

SHKARKO APP

App Store
Google Play

E fundit!

x

Bisedimet e paqes për Ukrainën/ Trump: Do të diskutoj me Putin-in për territoret dhe centralet

17 Mars 2025, 11:10, Kosova & Bota CNA

Bisedimet e paqes për Ukrainën/ Trump: Do të diskutoj me Putin-in

Presidenti amerikan, Donald Trump, tha sot se ai dhe homologu rus, Vladimir Putin, do të diskutojnë për territoret dhe centralet, kur të mbajnë bisedimet e paqes për Ukrainën gjatë kësaj të marte.

"Ne tashmë po flasim për këtë, duke ndarë disa asete,"- tha Trump.

Për shanset për t'i dhënë fund luftës, Trump thotë: "Ndoshta mundemi, ndoshta nuk mundemi. Por unë mendoj se kemi një shans shumë të mirë".

SHBA ka bërë presion për një armëpushim në Ukrainë, por Rusia nuk ka dhënë një qëndrim të prerë, përkundrazi ka insistuar në kushte të ndryshme.

Ndërkohë, sulmet me dronë të Ukrainës dhe Rusisë vazhduan gjatë natës së të dielës.

Zyrtarët amerikanë thonë se po planifikojnë të diskutojnë me Rusinë mbi fatin e një objekti kryesor të prodhimit të energjisë në Ukrainë, si pjesë e bisedimeve të paqes.

Megjithëse nuk e përmendën emrin e objektit, ka të ngjarë të jetë termocentrali bërthamor i Zaporizhzhias, më i madhi në Europë. Ai është pushtuar nga forcat ruse që nga marsi i vitit 2022 dhe frika e një aksidenti bërthamor ka vazhduar për shkak të luftimeve në zonë./CNA 

 





Lajmet e fundit nga