web counter
LEXO PA REKLAMA!

SHKARKO APP

App Store
Google Play

E fundit!

x

Pretendimi i dy republikanëve/ “Biden është i përfshirë në skema korruptive”

7 Maj 2023, 15:17, Kosova & Bota CNA
Pretendimi i dy republikanëve/ “Biden është i
Joe Biden, President i SHBA-së

Dy republikanë të lartë të Kongresit po kërkojnë dokumente të brendshme të FBI-së, pasi një informator i paidentifikuar pretendon se, dokumentet do të tregojnë se zëvendëspresidenti i atëhershëm, Joe Biden, ishte i përfshirë në një skemë kriminale me një shtetas të huaj.

Pretendimi i paverifikuar, i përshkruar në një letër, është nënshkruar nga James Komer, kryetar i Komisionit Mbikëqyrës të Dhomës së Përfaqësuesve. 

Sipas letrës së republikanëve, ata kanë marrë informacion për skemën kriminale nga një “burim i besueshëm”.

 Ata pretendojnë se Biden ka qenë i përfshirë në skemën e korrupsionit me “marrjen e vendimeve politike për para” gjatë periudhës kur ishte zëvendëspresident. Përveç tij, në të është përfshirë edhe një shtetas i huaj.

Comer kërkoi  "të gjithë formularët FD-1023, duke përfshirë çdo dosje të çështjes me akses të hapur, të mbyllur ose të kufizuar, të krijuar ose modifikuar në qershor 2020, që përmban termin 'Biden', duke përfshirë të gjitha bashkëngjitjet shoqëruese dhe dokumente në ata formularë FD-1023.”

Formulari në fjalë, një FD-1023, është një dokument që FBI përdor për të përkujtuar takimet ose informacionin e mbledhur nga burime konfidenciale. Dokumenti zakonisht përfshin pretendime nga burimi, duke përfshirë informacione të paverifikuara nga FBI, shkruan "CNN".

“Ne besojmë se FBI posedon një dokument të brendshëm të paklasifikuar që përfshin akuza shumë serioze dhe të detajuara që implikojnë Presidentin aktual të Shteteve të Bashkuara. Ajo që ne nuk dimë është se çfarë ka bërë, nëse ka ndonjë gjë, FBI, për të verifikuar këto pretendime ose për të hetuar më tej, "tha Grassley, një republikan i Iowa-s, në një njoftim për shtyp, duke shtuar se situata kërkon mbikëqyrje të Kongresit./ CNA.al





Lajmet e fundit nga