web counter
LEXO PA REKLAMA!

SHKARKO APP

App Store
Google Play

Vrau tetë persona dhe plagosi 13 të tjerë/ Arrestohet autori i masakrës në Serbi

5 Maj 2023, 08:39, Kosova & Bota CNA

Vrau tetë persona dhe plagosi 13 të tjerë/ Arrestohet autori i

Autori i sulmit në Serbi është arrestuar në afërsi të Kragujevcit.

21-vjeçari vrau me automatik 8 persona dhe plagosi 13 të tjerë në afërsi të Mlladenovcit.

Sulmuesi filloi të qëllonte mbi njerëz me një armë automatike, pasi pati një debat me një oficer të policisë, në një park në fshatin Dubona.

"Ai dyshohet se ka vrarë 8 persona dhe ka plagosur 14 të tjerë me armë zjarri mbrëmjen e djeshme. Të plagosurit janë trajtuar në spitale. Policia vijon punën e mëtejshme për zbardhjen e të gjitha fakteve dhe rrethanave të kësaj ngjarjeje", tha Ministria e Punëve të Brendshme në një deklaratë.

Kujtojmë se të mërkurën, një djalë 13 vjeç dyshohet se vrau tetë nxënës dhe një rojë të sigurisë në një shkollë në qendër të Beogradit.

Sulmi bëri që Qeveria e Serbisë të propozojë kufizime më të ashpra për posedimin e armëve.

Të shtënat masive janë relativisht të rralla në Serbi, por zotërimi i armëve në vend është ndër më të lartit në Evropë./ CNA.al

 





Lajmet e fundit nga