web counter
LEXO PA REKLAMA!

SHKARKO APP

App Store
Google Play

E fundit!

x

Panikosen banorët/ Tërmeti në Greqi shkakton shkëputje masive gurësh

21 Dhjetor 2024, 20:42, Kosova & Bota CNA

Panikosen banorët/ Tërmeti në Greqi shkakton shkëputje

Banorët janë frikësuar pas tërmetit që u rregjistrua në orën 18:30 të mbrëmjes së sotme në Patra të Greqisë.

Mediat greke nuk kanë raportuar për të lënduar, por ka dëme materiale dhe shkëputje gurësh.

 “Tërmeti që u ndje rreth orës 18:30 të pasdites shkaktoi panik te banorët e Thermos, por edhe te zonat fqinje”, tha kryebashkiaku i Termos, Spyros Konstandaras .

Deri më tani janë raportuar rënie gurësh në rrjetin rrugor krahinor që lidh zonën e Thermosit me Nafpaktosin, por edhe në zonat malore të bashkisë.

 “Shpresojmë të jetë tërmeti kryesor, sepse lëkundjet zgjuan kujtimet e tërmetit të fortë që kishte ndodhur në zonën tonë në prill të vitit 2007 dhe kishte shkaktuar shkatërrime të mëdha,” tha kryebashkiaku.

“Trichonida njihet për lëkundjet sizmike dhe presim të shohim se si do të zhvillohet fenomeni, pasi ka pasur disa pasgoditje, por jo shumë të tjera”, tha profesori i Gjeologjisë në Universitetin e Patrës, dhe drejtori i Laboratorit të Sizmologjisë, Efthymios Sokos .

 “Duke pasur parasysh sekuencën sizmike që patëm në prill të vitit 2007 ku u regjistruan tre deri në katër tërmete, me magnitudë afër 5 gradë të shkallës Rihter, është pak e rrezikshme të bëjmë vlerësime tani për evoluimin e fenomenit," shtoi Efthymios Sokos .

 

 





Lajmet e fundit nga