web counter
LEXO PA REKLAMA!

SHKARKO APP

App Store
Google Play

Sulmi terrorist në Magdeburg/ Prokuroria gjermane: Autori ka vepruar i vetëm

21 Dhjetor 2024, 17:21, Kosova & Bota CNA
Sulmi terrorist në Magdeburg/ Prokuroria gjermane: Autori ka vepruar i
Foto nga vendi i ngjarjes, Gjermani

Pesë persona humbën jetën dhe 200 të tjerë janë plagosur kur një automjet hyri me shpejtësi në tregun e Krishtlindjeve në Magdeburg, në atë që autoritetet lokale e klasifikuan si “sulm terrorist”.

“Referuar hetimeve të deritanishme, sfondi i krimit mund të ketë qenë pakënaqësia mbi mënyrën se si po trajtohen refugjatët nga Arabia Saudite në Gjermani”, u shpreh Prokurori Publik lidhur me ngjarjen e rëndë. Ai tha se gjendja e autorit të dyshuar të ngjarjes po ekzaminohet.

Horst Walter Nopens, prokuror i lartë publik, tha se autori ka vepruar i vetëm. “Gjithçka tjetër në lidhje me motivin është objekt hetimi”, shtoi ai.

Tom-Oliver Langhans, Drejtor i Policisë së Magdeburgut, shprehu ngushëllimet e tij për familjet e viktimave dhe i uroi shërim të shpejtë të gjithë të lënduarve.

Ai sqaroi se thirrja e parë e urgjencës është marrë në orën 19:02. “Telefonuesi fillimisht supozoi se kishte një aksident, “por ky më pas doli të ishte një skenar sulmi”, tha ai.

Ndërkohë spitali i Magdeburg në një njoftim të fundit shprehet “disa pacientë iu desh t’i nënshtroheshin një operacioni urgjent, disa tani janë në njësinë e kujdesit intensiv." Prof. Dr. Jörg Franke njoftoi: “Lajmi i mirë, të 11 personat e plagosur rëndë tani janë jashtë rrezikut për jetën”.

 





Lajmet e fundit nga