web counter
LEXO PA REKLAMA!

SHKARKO APP

App Store
Google Play

E fundit!

x

Osmani shpërndau Kuvendin/ Kurti: Dekret jokushtetues, fillimisht do shprehet gjykata

6 Mars 2026, 16:41, Kosova & Bota CNA

Osmani shpërndau Kuvendin/ Kurti: Dekret jokushtetues, fillimisht do

Kryeministri i Kosovës, Albin Kurti foli për herë të parë pas vendimit të presidentes së vendit Vjosa Osmani për të shpërndarë Kuvendin.

Në një konferencë për media, Kurti deklaroi se ky vendim nuk është në përputhje me Kushtetutën dhe se për këtë çështje duhet të shprehet fillisht gjykata.

“Ka afat 60-ditor për t’u zgjedhur presidenti dhe ne kemi qenë në sallën e Kuvendit vetëm 30 minuta. Nuk është përmbushur kriteri prej 60-ditësh, nuk jemi më 5 maj sot, por më 6 mars. Dekreti për shpërndarjen nuk është kushtetues sepse kompetenca për shpërndarjen e Kuvendit mund të ushtrohet vetëm në rastet e paracaktuara shprehimisht nga Kushtetuta. Mirëpo ky proces nuk arriti ta konsumojë as rundin e parë pasi munguan të gjitha deputetët e partive opozitare dhe partia e cila vazhdon të dirigjohet nga Beogradi. Të gjithë e keni parë mbrëmë pamjen e seancës, kush ishte në qendër, kush nuk ishte në qendër nuk ishte sepse nuk erdhi. Asnjë deputet që mungoi nuk ka njoftuar kryetaren për arsyen e mungesës, prandaj është lënda në Kushtetuese. Është detyrë e deputetëve ta kryejnë detyrën e tyre për siç i ka zgjedhur populli, të vijnë në vendin e tyre të punës dhe aty të marrin pjesë dhe të votojnë. Ndodhemi në një situatë kur unë nuk besoj që mund të flasim për zgjedhje pa e thënë fjalën e fundit Kushtetuesja. Ata kanë një materie që duhet ta analizojnë”,-deklaroi Kurti./CNA

 





Lajmet e fundit nga