LEXO PA REKLAMA!

SHKARKO APP

App Store
Google Play

E fundit!

x

Një krim lufte/ Ministrat e drejtësisë të G7 dënojnë përdorimin e dimrit si “armë" nga Rusia

29 Nëntor 2022, 16:13, Kosova & Bota CNA
Një krim lufte/ Ministrat e drejtësisë të G7
Foto ilustruese

Ministrat e drejtësisë të G7 dënuan përdorimin e dimrit si “armë" nga presidenti rus Vladimir Putin, në luftën me Ukrainën.

Ministri Marco Buschmann tha në një konferencë shtypi se civilët ukrainas kishin jetuar në temperatura të ulëta si rezultat i goditjeve të Rusisë në infrastrukturën civile, duke shtuar se ministrat kishin rënë dakord se ky përbën "një krim të tmerrshëm lufte që synon të sigurojë që shumë njerëz të bien viktima të dimrit.”

Grupi u zotua të koordinojë hetimet penale për krimet e luftës, për të cilat ata ranë dakord se ishte "e prioritetit më të lartë",  duke shtuar se autoritetet ukrainase deri më tani kanë dokumentuar rreth 50,000 raste të krimeve të luftës dhe kanë renditur rreth 600 kriminelë të dyshuar të luftës.

Është një qëllim i përbashkët i vendeve të G7 "të arrijnë përgjegjësi maksimale dhe të japin drejtësi për viktimat dhe të mbijetuarit", sipas një deklarate të publikuar pas takimit. "Nuk mund të ketë mosndëshkim për krimet e luftës dhe mizoritë e tjera."

"E gjithë udhëheqja ruse" duhet të hetohet në Gjykatën Penale Ndërkombëtare për "krime kundër njerëzimit", tha Buschmann në konferencën për shtyp./ CNA.al

Lajmet e fundit nga