web counter
LEXO PA REKLAMA!

SHKARKO APP

App Store
Google Play

Mbretëria e Bashkuar i dërgon aksidentalisht aleatit rus, e-maile ushtarake të destinuara për SHBA-në

28 Korrik 2023, 16:15, Kosova & Bota CNA

Mbretëria e Bashkuar i dërgon aksidentalisht aleatit rus, e-maile

Autoritetet britanike kanë nisur një hetim pasi zyrtarët gabimisht dërguan e-maile të destinuara për inteligjencën ushtarake amerikane qeverisë në Mali, një aleate ruse.

Zyrtarët nga Ministria e Mbrojtjes e Mbretërisë së Bashkuar duhej t'i dërgonin e-mail Pentagonit, por aksidentalisht ia dërguan ato qeverisë së Malit, raportoi Times të enjten. Gabimi ishte rezultat i një gabimi shtypi, pasi emri i domenit të Pentagonit është ".mil", ndërsa i Malit është ".ml".

Ministria e Mbrojtjes tha të premten se po hetonte incidentin.

"Ne kemi hapur një hetim pasi një numër i vogël email-esh u përcollën gabimisht në një domen të pasaktë të emailit," tha një zëdhënës i ministrisë, raporton Politico teksa citon Reuters.

Sipas Times, ndërsa shumica e emaileve të dërguara në Mali ishin të padëmshme - që përmbanin informacione të tilla si datat kur punonjësit e ministrisë së jashtme ishin me pushime - të tjerët përmbanin "përshkrime të detajuara" të kërkimit britanik për raketat hipersonike.

Megjithatë, Ministria e Mbrojtjes tha se pretendimet e Times nuk ishin të vërteta./CNA.al





Lajmet e fundit nga