web counter
LEXO PA REKLAMA!

SHKARKO APP

App Store
Google Play

Mazhoranca nuk pranon rezolutën e Bardhit për Kosovën/ Kërkon një të përbashkët

2 Tetor 2023, 19:17, Kosova & Bota CNA
Mazhoranca nuk pranon rezolutën e Bardhit për Kosovën/
Mimi Kodheli, kryetare Komisionit për Politikë të Jashtme

Opozita kërkoi këtë të hënë në Kuvend të miratohet rezoluta e deputetit Gazment Bardhi për vrasjen e policit Afrim Bunjaku në veri të Kosovës nga një grup i armatosur serbësh.

Kërkesa e opozitës për një rezolutë u pranua pjesërisht nga mazhoranca. Mimi Kodheli, kryetare Komisionit për Politikë të Jashtme, tha në Kuvend se është dakord që të miratohet një rezolutë për Kosovën.

Por, Kodheli theksoi se mazhoranca ka hartuar një rezolutë të vetën dhe ftoi opoitën të hartojnë një të përbashkët.

"Do të doja të dilnim nga ky parlament sot me një rezolutë për Kosovën.

Edhe Grupi Parlamentar i Partisë Socialiste ka hartuar një rezolutë për situatën aktuale në Kosovë, ashtu si Grupi Parlamentar i Partisë Demokratike.

Do të ulemi me Grupin Parlamentar të Partisë Demokratike me shpresën për të dalë me një rezolutë të përbashkët për Kosovën”, nënvizoi ajo.

Mosmiratimi i rezolutës së Bardhit shkaktoi pakënaqësi te opozita, e cila kundërshtoi socialistët dhe shkaktoi tensione në seancën plenare./ CNA





Lajmet e fundit nga