Masakrohen në resortin turk modelja ruse dhe e bija, zhduket i biri/ Pista e policisë për ngjarjen horror

29 Nëntor 2023, 14:26, Kosova & Bota CNA

Masakrohen në resortin turk modelja ruse dhe e bija, zhduket i biri/ Pista

Modelja Irina Dvizova dhe vajza e saj Dajana

Modelja ruse Irina Dvizova, 42 vjeçe, dhe vajza e saj, Dajana, 15 vjeçe, janë gjetur të pajeta, pasi janë vrarë në një resort të njohur në Bodrum të Turqisë e më pas trupat e tyre janë flakur në një kodër.

Modelja dhe vajza e saj u gjetën nga autoritetet të ekzekutuara dhe të mbështjella me çarçafë dhjetë metra larg njëra-tjetrës, ndërsa policia ka theksuar se ka dyshime që akti barbar është kryer nga ish-bashkëshorti i modeles, 45-vjeçari Andrey Kuslevich.

Masakrohen në resortin turk modelja ruse dhe e bija, zhduket i biri/ Pista

"Daily Mail" raporton se të afërmit kishin raportuar humbjen e kontakteve me modelen e të bijën, ndërsa më pas policia ka gjetur trupat e tyre të hedhur jashtë resortit në një kodër.

Ish-bashkëshorti i modeles, i dyshuar për vrasjet, më herët ka qenë roja i sigurisë së një biznesmeni të njohur ukrainas.

Sipas të dhënave të deritanishme dyshohet se shkak për konfliktin është bërë mosmarrëveshja për kujdestarinë e djalit të çiftit.

Ajo kishte kërkuar në një gjykatë në Moskë në qershor kufizim të aksesit të ish-bashkëshortit mbi djalin e saj.

Edhe djali, i cili mendohet se është arsyeja e konfliktit, ka humbur çdo kontakt me familjarët që pas vrasjes së modeles dhe vajzës së saj, ndërsa autoritetet kanë thënë se ai qëndronte bashkë me nënën e motrën e tij.

Sipas raportimeve në media, Irina, nënë e tre fëmijëve, ishte modele dhe kohët e fundit ka punuar si agjente imobiliare në Bodrum.

Masakrohen në resortin turk modelja ruse dhe e bija, zhduket i biri/ Pista

Vajza e saj ishte një "TikTok"-ere me rreth 30,000 ndjekës dhe synonte të ndiqte hapat e nënës së saj si modele. Dayana së fundmi kishte postuar një video në rrjetet sociale duke thënë se ajo dhe nëna e saj kishin fluturuar në Stamboll për të festuar ditëlindjen e saj të 15-të.

Kuslevich, burri i dytë i Irinës, ishte roje sigurie për një biznesmen ukrainas dhe kërkohej në Rusi pasi u arratis nga paraburgimi teksa ishte arrestuar për një vjedhje të dyshuar./CNA