web counter
LEXO PA REKLAMA!

SHKARKO APP

App Store
Google Play

E fundit!

x

"Marrëdhënia me Britaninë nuk është më njësoj"/ Trump kritikon Starmer-in

3 Mars 2026, 09:48, Kosova & Bota CNA

"Marrëdhënia me Britaninë nuk është më

Presidenti i Shteteve të Bashkuara të Amerikës, Donald Trump, tha se marrëdhënia midis SHBA-së dhe Mbretërisë së Bashkuar nuk është si më parë.

Trump u shpreh po ashtu se kryeministri britanik Keir Starmer "nuk ka qenë i dobishëm" në luftën e SHBA-së dhe Izraelit kundër Iranit. Në një intervistë për “The Sun”, ai tha se nuk e kishte menduar kurrë se do të shihte marrëdhëniet mes tyre në këtë nivel.

"Është shumë e trishtueshme të shohësh që marrëdhënia nuk është më ajo që ishte. Nuk e mendova kurrë se do ta shihja këtë nga Britania e Madhe”, u shpreh Trump.

Në një fjalim para Dhomës së Komunave të hënën, Starmer tha se Mbretëria e Bashkuar nuk do t'u bashkohet SHBA-së dhe Izraelit në sulmet ofensive, por do të përqendrohet në veprime mbrojtëse.

Një dron goditi bazën ushtarake britanike “RAF Akrotiri” në Qipro të dielën dhe dy dronë të tjerë u rrëzuan duke shkuar në të njëjtin drejtim të hënën. Ndërkohë të dielën në mbrëmje, Starmer njoftoi se Mbretëria e Bashkuar do t'i lejonte SHBA-së të përdorte bazat britanike në operacionet e saj në Iran. /CNA





Lajmet e fundit nga