LEXO PA REKLAMA!

SHKARKO APP

App Store
Google Play

Maqedonasit, në protestë kundër propozimit francez

3 Korrik 2022, 22:33, Kosova & Bota CNA
Maqedonasit, në protestë kundër propozimit francez
Protesta në Maqedoni

Qindra maqedonas janë mbledhur para Qeverisë duke protestuar me moton “Ultimatum – Jo faleminderit” kundër pranimit të propozimit francez, për heqjen e vetos bullgare dhe hapjen e negociatave për anëtarësim të Maqedonisë në BE.

Sipas tyre, mohimi i së drejtës për vetëvendosje dhe kushtëzimi i integrimeve europiane të Maqedonisë me pranimin e fshirjes së njëanshme të veçorive kulturore dhe historike dhe mosnjohjes së njëanshme të gjuhës, nuk është pjesë e kritereve për anëtarësim në BE as një rregull mes shteteve anëtare.

Protesta që filloi mbrëmë zyrtarisht nuk ka organizator, por është përkrahur nga partitë politike dhe organizatat e shoqërisë civile, të cilët mendojnë se propozimi është jashtëzakonisht i keq për popullin maqedonas dhe interesat kombëtare maqedonase. 

Protesta mori mbështetje edhe nga partia më e madhe opozitare VMRO-DPMNE, lideri i së cilës Hristijan Mickoski u bëri thirrje qytetarëve që të bashkohen, në mënyrë që, siç tha ai, të mbrojnë atë që quhet vlerë europiane dhe të shpëtojnë procesin e negociatave me Bashkimin Europian.

Dhe sonte pjesëmarrësit dërgojnë mesazhe kundër propozimit francez dhe apelojnë që të mos nënshkruhet. U këndua himni kombëtar dhe në altoparlant u lëshuan këngë patriotike./CNA.al

Lajmet e fundit nga