LEXO PA REKLAMA!

SHKARKO APP

App Store
Google Play

E fundit!

x

Kurti, thirrje serbëve: Regjistroni automjetet me targa RKS

3 Korrik 2022, 21:38, Kosova & Bota CNA
Kurti, thirrje serbëve: Regjistroni automjetet me targa RKS
Kryeministri, Albin Kurti

Kryeministri Albin Kurti u bëri thirrje qytetarëve serbë të Kosovës që t’i ndërrojnë targat e automjeteve në RKS.

Përmes një video-mesazhi në rrjetet sociale në gjuhën serbe, Kurti është shprehur se me ndërrimin e targave garantohet mbisundimi i ligjit krahas politikës dhe interesave individuale.

“Në 34 qendra të tjera komunale regjistrimi, do të jetë i organizuar procesi i regjistrimit të mjeteve, e me këtë kalimi nga tabelat ilegale në ato të vlefshme në bazë të ligjeve të Republikës së Kosovës, tabela me shenjën RKS. Në këtë mënyrë garantojmë mbisundim të ligjit krahas politikës dhe interesave individualë, gjë e cila është në interes të çdo qytetari të shtetit tonë të përbashkët.

Gjatë regjistrimit të parë nuk do të kërkohet kontrolli teknik, ndërsa komunat mund të vendosin të mos kërkojnë pagesën prej 10 eurove në bazë të taksës komunale. Ministria jonë e Punëve të Brendshme do të nxjerrë Udhëzim Administrativ që do të rregullojë detajisht çdo hap”, tha ai.

Qeveria e Kosovës ka marrë vendim të mundësojë regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “?A”.

Sipas këtij vendimi, regjistrimi do të fillojë më datë 01.08.2022 dhe do të zgjasë deri më 31.09.2022./CNA.al

Lajmet e fundit nga