E fundit!

10:13 Politikë

Plani i Belind Këlliçit/ "Mbështetje financiare për prodhimin, 15 tregje të gjelbërta në Tiranë"

Me projektin e Belind Kelliçit, Bashkia e Tiranës do të su...

Kancelari gjerman, Olaf Scholz: Gjermania do të dërgojë më shumë tanke kundërajrore në Ukrainë

29 Nëntor 2022, 22:23, Kosova & Bota CNA

Kancelari gjerman, Olaf Scholz

Kancelari gjerman, Olaf Scholz, ka deklaruar se Gjermania do të dërgojë më tanke antiajrore Gepard në Ukrainë.

"Ne do të vazhdojmë të punojmë për të siguruar atë sistem shumë efikas," tha Scholz gjatë një konference të përbashkët shtypi me organizatat financiare dhe ekonomike botërore.

Kancelari dënoi bombardimet e vazhdueshme dhe siguroi Ukrainën për ndihmë të mëtejshme afatshkurtër, tha zëdhënësi i qeverisë Steffen Hebestreit në një njoftim për shtyp, shkruan "CNN".

“Presidenti ukrainas ka shprehur mirënjohjen e tij për mbështetjen shumë të gjithanshme të Gjermanisë në terma monetarë, por edhe në aspektin e dërgesave të armëve, sepse artileria dhe sistemet e mbrojtjes ajrore që ne ofrojmë kanë një ndikim shumë domethënës në aftësinë e Ukrainës për të garantuar integritetin dhe sovranitetin e saj”, u tha Scholz gazetarëve.

Deri më sot, qeveria gjermane ka ofruar ndihmë financiare afatshkurtër për riparimin e infrastrukturës energjetike në shumën prej rreth 56 milionë euro (rreth 58 milionë dollarë), tha Hebestreit në njoftimin për shtyp. Gjermania po siguron gjithashtu mbi 350 gjeneratorë pasi Ukraina vuan nga ndërprerjet e energjisë elektrike për shkak të granatimeve ruse.

Kancelari përsëriti mbështetjen e vazhdueshme të Gjermanisë për Ukrainën, duke përfshirë mbrojtjen ajrore dhe rindërtimin./ CNA.al