web counter
LEXO PA REKLAMA!

SHKARKO APP

App Store
Google Play

E fundit!

x

Grabitja spektalore/ Presidentja e Luvrit: Janë marrë masa për problemet e sigurisë

7 Nëntor 2025, 15:32, Kosova & Bota CNA

Grabitja spektalore/ Presidentja e Luvrit: Janë marrë masa për

Luvri po merr masa për problemet e sigurisë që dolën në pah pas grabitjes spektakolare prej 88 milionë eurosh muajin e kaluar. Një ditë pas raportit shumë kritikues të Gjykatës së Auditorëve, presidentja dhe drejtoresha e muzeut, deklaroi se ka marrë çdo masë për të adresuar problemet e sigurisë.

"Kam marrë çdo masë për problemet tona të sigurisë", tha Laurence des Cars, duke sqaruar se plani i sigurisë së Luvrit, ose "plani master" i pajisjeve të sigurisë, do të zbatohet që sot.

Masat do të përfshijnë një sërë punimesh përmirësimi për sigurinë, veçanërisht në lidhje me mbikëqyrjen me anë të kamerave të sigurisë, e cila është një nga pikat e dobëta të muzeut, element të cilin Cars e kishte theksuar edhe gjatë seancës dëgjimore në Komitetin e Kulturës të Senatit në fund të tetorit.

Laurence des Cars, e cila ka qenë në këtë pozicion që nga shtatori i vitit 2021, thirri sot një mbledhje të jashtëzakonshme të bordit të drejtorëve për të shqyrtuar menaxhimin e muzeut me më shumë vizitorë në botë.

Ndërkohë një ditë më parë, Gjykata e Auditorëve shprehu kritika për muzeun. Në raportin e gjykatës, thuhet se administrata i dha përparësi punimeve të prestigjit mbi sigurinë. /CNA





Lajmet e fundit nga