web counter
LEXO PA REKLAMA!

SHKARKO APP

E fundit!

x

Gjyqi i Hagës/ Ali Ahmeti: Filloi me shpifjet e Dick Marty-t, do përpiqemi për pastërtinë e UÇK-së

18 Shkurt 2026, 22:40, Kosova & Bota CNA

Gjyqi i Hagës/ Ali Ahmeti: Filloi me shpifjet e Dick Marty-t, do

Kreu i BDI-së, Ali Ahmeti u shpreh sot lidhur me gjyqin që po zhvillohet në Hagë ndaj ish-krerëve të UÇK-së.

Gjatë një lidhje të drejtpërdrejtë në emisionin “Opinion”, Ahmeti tha se procesi filloi me shpifjet e ish-senatorit zvicerian Dick Marty-t, të bëra nga shërbimet sekrete serbe e ruse.

Sipas Ahmetit, lufta e UÇK-së ishte e imponuar, për shkak të padrejtësive dhe vrasjeve të bëra në ato vite.

“Kjo punë ka filluar me regjisorin Dick Marty, që shkroi me qindra faqe, duke pasqyruar shpifjet qe ka bërë Shërbimi Sekret serb në bashkëpunim me atë rus, për të denigruar UÇK-në dhe luftën tonë të drejtë, që ishte e imponuar, nuk e zgjodhëm ne.

Unë kam qenë një nga organizatorët në 1981 të nisjes së lëvizjes ilegale dhe e di se janë përdorurur të gjitha mënyrat e terrorit te ne studentët. Rrugët e Jugosllavisë kanë qenë të përgjakuar nga të rinjtë e Kosovës.

I gjithë populli ka qenë në torturë dhe ndjekje. Kështu që lufta u imponua, pavarësisht pretendimeve të Marty-t, do pëpiqemi deri në maksimum që pastërtia dhe ciltërsia e UÇK-së të mbrohet”,-tha Ahmeti./CNA





Lajmet e fundit nga