E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Dhunoi bashkëshorten në sy të fëmijëve të mitur/ Arrestohet gazetari shqiptar

27 Shtator 2022, 09:39, Kosova & Bota CNA

Dhunoi bashkëshorten në sy të fëmijëve të mitur/

Gazetari Arben Ahmeti

Policia e Kosovës ka arrestuar dy netë më parë gazetarin dhe moderatorin, Arben Ahmeti, i cili është edhe drejtor i televizionit “Kanal 10”.

Ahmeti ka ushtruar dhunë ndaj bashkëshortes së tij në prani të fëmijëve të tyre të mitur.

Sipas njoftimit zyrtar të policisë, gazetari është konfliktuar verbalisht me bashkëshorten, pasi ajo i ka kërkuar të qëndrojë me ta në shtëpi.

Më pas ai e ka shtyrë atë në sy të fëmijëve. Bashkëshortja e Ahmetit ka bërë një denoncim në polici, gjë që ka çuar gazetarin në pranga.

“Më datë 25.09.2022, në ora 18:15, është pranuar kallëzim për dhunë në fshatin Laplla Sellë, rruga Dragovacka. Në vendngjarje ka dalë patrulla si dhe polici hetues në detyrë për dhunë në familje ku sipas V. A. ka pasur konflikt me bashkëshortin. Pra sot më 25.09. 22 rreth orës 18:00 i dyshuari Arben Ahmeti, i cili në atë kohë i kishte sjellur dy fëmijët (5 dhe 6 vjeç) të cilët qëndronin tek ai nga data 23.09.22 për shkak se çifti nuk jetojnë bashkë. Në atë moment ka pasur një konflikt kur viktima/ gruaja e ka pyetur të dyshuarin të qëndrojë në shtëpi me familjen e tij për shkak se ia kanë kërkuar fëmijët të cilët në atë moment qanin për babanë e tyre, i dyshuari ka kundërshtuar duke e ofenduar verbalisht viktimën deri në momentin kur ka pasur kontakt fizik, përkatësisht duke e shtyer me duar nga ana e të dyshuarit. Për shkak të ankthit, stresit, gjendjen e viktimës, patrulla ka kërkuar ndihmë mjekësore për të”, thuhet në njoftim.

Duke u bazuar në deklaratën e bashkëshortes së gazetarit, blutë bëjnë të ditur se kjo nuk ka qenë e hera e parë që Arben Ahmeti ka ushtruar dhunë ndaj saj.

“Me urdhër të hetuesit, patrulla ka marrë deklaratën e viktimës, si dhe ka kontaktuar me të dyshuarin, ku pas provave të grumbulluara në formën e deklaratës së pjesëmarrësit dhe duke qenë se edhe më parë janë raportuar raste të ngjashme, me urdhër të prokurores së shtetit për dhunë në familje, Edina Jupolli, është urdhëruar fillimi i procedurës penale 'Dhunë në familje', ku të dyshuarit i është caktuar masa e ndalimit prej 48 orësh në qendrën e paraburgimit në Prishtinë”, thekson policia./ B.A. – CNA.al