web counter
LEXO PA REKLAMA!

SHKARKO APP

App Store
Google Play

BE-ja përgështron Oliver Varhelyi-n: Nuk do të ketë pezullim të ndihmave për palestinezët

10 Tetor 2023, 10:06, Kosova & Bota CNA
BE-ja përgështron Oliver Varhelyi-n: Nuk do të ketë pezullim
Foto ilistruese

Komisioni Evropian ka marrë vendimin se ndihmat humanitare për palestinezët nuk do të pezullohen, duke e hedhur poshtë një deklaratë paraprake të njërit prej zyrtarëve më të lartë.

Ky vendim erdhi pasi Oliver Varhelyi, zyrtari më i lartë për marrëdhëniet me fqinjët e BE-së, tha se Komisioni Evropian po shqyrtonte të gjithë ndihmën e tij zhvillimore për palestinezët, me vlerë 691 milionë euro (729 milionë dollarë).

Varhelyi tha se të gjitha pagesat për palestinezët do të pezullohen menjëherë.

"Të gjitha projektet janë nën shqyrtim. Të gjitha propozimet e reja buxhetore, përfshirë edhe ato për vitin 2023 janë shtyrë deri në një njoftim të ri”, theksoi ai.

Por në reagim më vonë, Komisioni Evropian e kundërshtoi zyrtarin e vet Varhelyi, duke thënë se “nuk do të ketë pezullim të pagesave”. 

Që nga e shtuna, përkrahja e 27 vendeve të BE-së për Izraelin ka qenë e madhe, të cilat kanë thënë se vendi ka çdo të drejtë brenda ligjit ndërkombëtar të mbrojë veten në luftë me Hamasin.

Ndërkohë vijojnë luftimet mes Izraelit dhe grupit militant të Hamasit. Sulmet nuk u ndalën as gjatë natës, ndërsa Izraeli ka konfirmuar se deri më tani ka më shumë se 900 viktima. Nga ana tjetër, plestinezët thonë se kanë humbur jetën rreth 690 persona.

Ushtria izraelite bën të ditur se ka gjetur trupat e 1500 militantëve të Hamasit në Izrael dhe rreth Rripit të Gazës.

 





Lajmet e fundit nga