Anija ku shpërtheu hantavirusi pritet të mbërrijë në Tenerife/ OBSH: Rreziku për popullatën është i ulët

9 Maj 2026, 19:16, Kosova & Bota CNA

Anija ku shpërtheu hantavirusi pritet të mbërrijë në

OBSH ka deklaruar se shpërthimi i hantavirusit përbën një rrezik minimal për publikun e gjerë. Në një deklaratë për mediat, zëdhënësi i OBSH-së, Christian Lindmeier është shprehur virusi është i rrezikshëm por nuk është nuk përhapet lehtësisht nga një person te tjetri.

“Ky është një virus i rrezikshëm, por vetëm për personin që është vërtet i infektuar, dhe rreziku për popullatën e përgjithshme mbetet absolutisht i ulët. Virusi nuk është aq ngjitës sa të përhapet lehtësisht nga një person te tjetri”, u tha gazetarëve zëdhënësi i OBSH-së, Christian Lindmeier.

OBSH-ja tha të premten se kishte gjashtë raste të konfirmuara dhe tre të dyshuara me virus. Autoritetet spanjolle po përgatiten të presin më shumë se 140 pasagjerë dhe ekuipazh në bordin e anijes turistike kju shpërtheu hantavirusi, e cila do të drejtohet për në Ishujt Kanarie, ku zyrtarët shëndetësorë thonë se do të kryejnë evakuime të kujdesshme.

Shefi i Organizatës Botërore të Shëndetësisë, Tedros Adhanom Ghebreyesus ka theksuar se rreziku për popullsinë e Ishujve Kanarie dhe globalisht mbetet i ulët.

Anija pritet të mbërrijë të dielën në ishullin spanjoll të Tenerife-s, pranë brigjeve të Afrikës Perëndimore. Si SHBA-ja ashtu edhe Mbretëria e Bashkuar kanë rënë dakord të dërgojnë aeroplanë për të evakuuar qytetarët e tyre nga anija turistike. Organe të ndryshme shëndetësore në të gjithë botën janë siguruar që njerëzit të jenë të vetëdijshëm për proceset që lidhen me gjurmimin dhe ndjekjen e personave të lidhur me anijen turistike.

Tre persona kanë vdekur që kur anija u nis nga Argjentina muajin e kaluar, ndërsa të tjerë janë evakuuar nga anija për trajtim mjekësor. Por është e rëndësishme të theksohet se jo të gjitha vdekjet janë konfirmuar si raste të infeksionit me hantavirus. Katër pacientë mbeten të shtruar në spital në Afrikën e Jugut, Holandë dhe Zvicër, ndërsa një rast i dyshuar i dërguar në Gjermani rezultoi negativ. /CNA