web counter
LEXO PA REKLAMA!

SHKARKO APP

App Store
Google Play

Silvinjo

2024-03-21 10:41:00, Sport CNA

Silvinjo

Shqipëria do të luajë miqësoren e parë me Kilin këtë të premte, në një sfidë ku trajneri Silvinjo, do të testojë lojtarët, para se të vendosë për listën e Europianit.

Ashtu si në kualifikuese, edhe për këtë takim, tekniku kuqezi, pritet të mos bëjë shumë ndryshime, sa i përket 11-shes titullare.

Në mungesë të Berishës, në portë pritet të luajë Strakosha, ndërsa para tij, e sigurt është prezenca e Gjimshtitit, Hysajt dhe Mitajt. Dilema e vetme është për qendërmbrojtësin që do të shoqërojë Gjimshitin, për shkak të mungesës së Ismajlit. Gjasat më të mëdha, janë që në mbrojtje, të luaje Mihaj, i cili po kalon një formë të shkëlqyer këtë sezon.

Nuk ka ndryshime as në digën para mbrojtjes, me Ramadanin dhe Asllanin që do të jenë titullarë. Në sulm, pritet Cikalleshi, ndërsa treshja pas tij, në skemën 4-2-3-1, me shumë mundësi do të jetë Seferi në të majtë, Asani në të djathtë dhe Bajrami në rolin e fanatazistit.

Në pjesën e dytë, Silvinjo do të ndryshojë tërësisht formacionin, për t’i dhënë më shumë minuta edhe lojtarëve të tjerë të grumbulluar, në mënyrë që t’i ndjekë nga afër dhe të shikojë formën e tyre.





Lajmet e fundit nga