web counter
LEXO PA REKLAMA!

SHKARKO APP

App Store
Google Play

Orët e pasdites sjellin përmirësim të motit/ Nesër, reshje shiu në Veri dhe Verilindje

2022-11-17 08:05:00, Sociale CNA

Orët e pasdites sjellin përmirësim të motit/ Nesër,

Territori shqiptar deri në orët e pasdites do të jetë në dominimin e vranësirave të shumta të cilat do të gjenerojnë reshje shiu në të gjithë vendin, ku here pas here do të ketë edhe rrebeshe afatshkurtra kryesisht në zonat Veriore dhe Jugore.

Orët vijuese sjellin përmirësim të përkohshëm të kushteve atmosferike.

Temperaturat e ajrit do të rriten lehtë në mëngjes, por do të ulen ndjeshëm në mesditë duke luhatur vlerat ditore nga 5°C deri në 16°C.

Era do të fryjë mesatare dhe e fortë me shpejtësi mbi 50 km/h nga drejtimi Jugor – Jugperëndimor duke krijuar në brigjet detare dallgëzim mbi 4 ballë.

Ndërsa nesër me 18 Nëntor 2022, sipas MeteoAlb, vijojnë vranësirat e shpeshta në të gjithë vendin,ku më të theksuara priten në zonat malore.

Parashikohet që vranësirat herë pas here të pësojnë zhvillime të përkohëshme duke krijuar mundësi për reshje të pakta shiu në të gjithë territorin.

Shirat më të dukshëm do të jenë në zonat veriore dhe Verilindore.

Temperaturat e ajrit do të ulen në mëngjes, por do të rriten lehtë në mesditë duke luhatur vlerat ditore nga 3°C deri në 17°C.

Era do të fryjë mesatarisht me shpejtësi 45 km/h nga drejtimi Jugor duke krijuar në brigjet detare dallgëzim 4 ballë./CNA.al





Lajmet e fundit nga