web counter
LEXO PA REKLAMA!

SHKARKO APP

App Store
Google Play

E fundit!

x

Veliaj “thumbon” opozitën/ Ajo çfarë i bënë Luizit dhe Oltës, ishte për turp

2023-05-12 18:13:00, Politikë CNA

Veliaj “thumbon” opozitën/ Ajo çfarë i

Kryetari i Bashkisë së Tiranës, Erion Veliaj ka folur mbi suportin e treguar ndaj tij nga artistët shqipatarë brenda dhe jashtë vendit.

Ai tha se mbështetja e Bashkisë Tiranë ndaj artistëve nuk ka patur për bindjet politike, duke u treguar kështu institucion apolitik në raport me ta.

“Po të isha unë sot në opozitë, do thoja: Po mirë more, po nuk gjendet asnjë njeri publik që të na mbështesë ne? Po mirë more, asnjë njeri me reputacion, asnjë njeri që ka sot talent? Ju mendoni se Rita Ora, Dua Lipa apo Ava Max dhe shumë prej artistëve shqiptarë, kanë nevojë për Bashkinë e Tiranës? Ne na bëjnë nder kur vijnë këtu për të kënduar. Së pari, kanë ardhur të këndojnë pa pagesë. Kurse me Alban Skënderajn njihem që kur kam qenë 22-23 vjeç, kur filluam “Mjaft-in”, pastaj te “G-99”; pra, janë shokë me të cilet jam rritur. Pjesën më të madhe të këtyre shokëve, i kam nga koha kur kam qenë në opozitë. Me Ledri Vulën kemi qenë fëmijë të vegjël kur shkonim për pushime, pa e ditur sa i madh do bëhej ai. Me shumë prej tyre jemi miq të kahershëm. Miqtë ia shprehin mbështetjen njëri-tjetrit. Siç unë jam krenar për ta, ata janë krenarë për punën që po ndodh në Tiranë. Kjo është më se normale. Nga ana tjetër, PD-ja ka një problem të rëndë pse njerëzit nuk e mbështesin dhe pse shumë prej atyre që konsiderohen mbështetës është gati t’i linçojnë”, tha ai.

Veliaj komentoi dhe  sulmet  e votuesve të djathtë kundrejt Luiz Ejlli dhe Olta Gixharit së "Big Brother Vip".

“Të shikosh çfarë i bënë Luizit e çfarë i bënë Oltës, ishte për turp. Pra, ai lloj linçimi ku ti i thua të tjerëve ‘Ose me mua, ose unë të turrem me libër shtëpie’, tregon se në ç’gjendje të rëndë mendore janë – por nuk është vetëm Saliu, është e gjithë ajo psikozë, që e drejton atë copë që ka ngelur nga PD-ja. Kur shikon njerëz që i turren Çiljetës pse ti flet mirë për Parkun e Liqenit dhe për Tiranën, ndërkohë që ajo është një nënë që po rrit fëmijën këtu dhe flet për gjëra që po ndodhin në Tiranë”, theksoi Veliaj./CNA.al

 





Lajmet e fundit nga