web counter
LEXO PA REKLAMA!

SHKARKO APP

App Store
Google Play

Urimi i Berishës për Fitër Bajramin

2024-04-10 11:33:00, Politikë CNA
Urimi i Berishës për Fitër Bajramin
Sali Berisha

Ish-kryeministri Sali Berisha në një postim në rrjetet sociale ka uruar të gjithë besimtarët myslimanë për Fitër Bajramin. Ai u uron shqiptarëve që paqe dhe begati në familjet e tyre. 

"Gëzuar Fitër Bajramin. Të dashur miq, besimtarëve myslimanë dhe veçanërisht atyre që agjeruan, ju uroj Gëzuar Fitër Bajramin. Zoti Mëshirëplotë ua pranoftë sakrificat dhe lutjet, sjelltë në familjet tuaja paqe, begati, si dhe për vatrën tonë të përbashkët, Shqipërinë, lehtësim të vështirësive, prosperitet e dinjitet", shprehet Berisha. 

Besimtarët myslimanë falën namazin mëngjesin e sotëm në Sheshin Skënderbej dhe në xhamitë e të gjithë vendit, pas mbarimit të muajit të Ramazanit. Myslimanët para ditës së bajramit shpërndajnë lëmoshë, solidarizohen me të varfrit, kështu për ta festuar së bashku këtë festë.

All-llahu i Madhëruar ligjësoi në fund të muajit të Ramazanit festën e Fitër Bajramit, gëzim për myslimanët ashtu siç ligjësoi festën e Kurban Bajramit në ditën e dhjetë të muajit Dhul-Hixhxhe. Festa e Bajramit manifestohet duke falur namazin e Bajramit.

Namazi i Bajramit është vaxhib detyrim i domosdoshëm për çdo mysliman. Muhammedi sal-lall-llahu alejhi ve sel-lem i ka kushtuar rëndësi të veçantë duke i urdhëruar myslimanët që të falin këtë namaz./ CNA





Lajmet e fundit nga