“Tom Doshi, votëblerësi më i madh”/ Berisha: Benet Beci ka bërë gabimin e jetës së tij

2023-04-30 20:09:00, Politikë CNA

“Tom Doshi, votëblerësi më i madh”/ Berisha: Benet

Kreu i koalicionit “Bashkë Fitojmë”, Sali Berisha ka akuzuar ish-deputetin e PS-së, Tom Doshin se po blenë votat e qytetarëve nga Fushë-Arrëzi deri në Pukë.

Berisha tha se Tom Doshi nuk ka bërë asgjë për të banorët e Vaut të Dejës, Pukës dhe Fushë Arrëzit, por vetëm i ka shërbyer xhepit dhe pasurisë së tij.

"A nuk është mision historik 14 maji, për ti marrë Edi Ramës pushtetin vendor, me kandidatët tanë të shkëlqyer, si Zef Hila. Dy kandidatë rivalë kandidojnë. Këtu kandidati tjetër, kandidati që përfaqëson partinë e krimit, në fakt i marrë me koncesion nga Tom Doshi, kjo është e vërteta.

Ky tjetri këtu, çfarë është, çfarë përfaqëson, përfaqëson bandën më të rrezikshme që ka qeverisë Shqipërinë. Isha në Fushë Arrëz, shkova në Pukë, erdha këtu, kudo më del si hije emri i Tom Doshit.

Do të pyes pak këtu, Tom hajde më thuaj këtu, çfarë ke bërë ti për këta banorë. Unë jam njeri që absolutisht e respektoj lirinë e tjetrit, por emri yt në Fushë Arrëz, Pukë, këtu, dhe në Shkodër qarkullon si votëblerësi më i madh. Ky është krim i shëmtuar, krim elektoral, monstruoz. Vjen, nxjerr lista deputetësh, nxjerr lista kandidatësh, na thuaj pak çfarë ke bërë ti për banorët e Vaut të Dejës, Pukës dhe Fushë Arrëzit? I ke shërbyer xhepit dhe pasurisë tënde.

Absolutisht. Sepse ti Tom, duke i shërbyer Edi Ramës për vota, natyrisht ai të bën 100-favore, për taksa, për leje e për të gjitha dhe partinë e more nga një kriminel elektoral. Ja pse pushteti i bandës, diktatura e bandës është diktatura më e keqe", tha ai.

Ndër të tjera ai nuk la pa komentuar edhe takimet elektorale të kryeministrit Edi Rama në Shkodër ku i pranishëm ishte dhe kandidati i socialistëve Benet Beci,.

Berisha theksoi se Beci ka bërë gabimin më të madh të jetës së tij duke u bashkuar me PS-në.

"Sot në qarkun e Shkodër ishte edhe Edi Rama, dhe shkoi si një primitiv, beson se duke mbjellë ndasi fetare në Malësinë e Madhe, kujton se mund të merrte vota. Por ai nuk e njeh historinë e Malësisë së Madhe. Malësinë e Madhe, Malësinë e mirë janë përpjekur me qindra herë, armiq, pushtues, e kushdo tjetër që ti ndërsejnë kundër njëri tjetrit, por nuk ja kanë arritur kurrë.

Aty muslimanët dhe katolikët, kanë luftuar së bashku, kanë qëndruar së bashku dhe kanë vdekur për vdekur për vendin së bashku dhe aty shkon dhe përdor këtë term, në një kohë kur e vërteta është se besimi, feja e tij është vetëm paraja, dhe jo ajo e fituara me djersë, por e vjedhur.

Në Shirokë fliste për Benetin. Po edhe unë tani do të flas për Benetin.

Sa herë Zef Hila, Greta Bardeli dhe deputetë të tjerë kanë ngritur zërin për qytetarët e Shkodër, sa herë ka folë Benet Beci për Shkodër. Asnjëherë, asnjëherë.

Unë e njoh dhe një ditë jam shprehur, ka bërë gabim fatal të jetës së tij, paraqitet ai për të përfaqësuar Edi Ramën, armikun më të egër të Shkodrës dhe veriut të Shqipërisë", u shpreh Berisha./CNA.al