web counter
LEXO PA REKLAMA!

SHKARKO APP

App Store
Google Play

Thirrja e PS-së për falje publike/ Celibashi: Socialistët po kërkojnë debat

2023-05-14 18:05:00, Politikë CNA

Thirrja e PS-së për falje publike/ Celibashi: Socialistët po

Partia Socialiste vuri sot para përgjegjësisë KQZ-në për mosfunksionimin e pajisjes elektronike dhe deklaroi se ky institucion duhet të kërkojë falje.

Gjatë një konference për mediat, kësaj kërkese iu përgjigj kryetari i KQZ-së, Ilirjan Celibashi.

Ai tha se KQZ do ta njohë përgjegjësinë në rast se ka palë të prekura nga mosfunksionimi i kësaj pajisje.

Celibashi u shpreh se deklarata e PS-së mund të jetë dhe thirrje për ta tërhequr institucionin në një debat.

“Nëse dikush do ta tërheqë KQZ-në në një debat jo produktiv, ne nuk kemi pse ta bëjmë. Nëse ajo çfarë klasifikohet si parregullsi apo problematikë në lidhje me funksionimin e pajisjeve të identifikimit, ka cënuar votën e një votuesi, ne ju themi që njohim përgjegjësinë dhe nëse kjo ka ndikuar tek ata edhe ndjesën e kemi kërkuar, nuk e di nëse dikush tjetër kërkon më shumë se kaq. Çfarë do duhet të ishte bërë ndryshe?”, nënvizoi ai./ CNA.al





Lajmet e fundit nga