web counter
LEXO PA REKLAMA!

SHKARKO APP

App Store
Google Play

“Është koha për veprim”, me Agim Neshon!

2022-07-25 11:12:00, Politikë CNA

“Është koha për veprim”, me Agim Neshon!

Në ditën e parë pasi iku nga detyra e Presidentit të Republikës, Ilir Meta u shfaq të Grand-i në Bllok (në zonën elitare të Tiranës për të mos krijuar ndonjë keqkuptim me fjalën “bllok”!) me ish ambasadorin Agim Nesho, një burrë në moshë rreth të shtetëdhjetave.

Dhe meqë ka mësuar në vitet e Presidencës e është bëre një tifoz i madh i videove selfie, një të tillë e ka postuar në faqen e tij në facebook me shënimin:

“I lumtur ta nisja këtë ditë të re me Ambasadorin, Agim Nesho. Kujtuam 2 Marsin dhe ramë dakord se është Koha për Veprim. Një ditë e re, një rrugë e re”.

Që është i lumtur ngase e nisi ditën me Agim Neshon, duket nga pamja e portretin të tij e nuk është e nevojshme të na e thotë me fjalë gjithë këtë lumturi zoti Meta. E për më tepër kjo e dhënë nuk është as e rëndësishme.

E rëndësishme është që bashkë me Gimin e Gaqo Neshos, ish sekretarit të parë të partise komuniste në Tiranë, paskan rënë dakord që është koha për veprim!

Mesazhi është i qartë e madje disaplanësh.

Së pari me Gimin dhe njerëz si Gimi të rinjtë e Shqipërisë kanë një motiv më shumë t’i bashkohen LSI-së tani me rikthimin e Metes.

Së dyti, meqë me Gimin dhe njerëz si Gimi “është koha për veprim”, veprimi opozitar merr një vlerë të paparë deri tani dhe shpëtimi i Shqipërisë është në dorë të sigurtë.

Së treti, për LSI-në Gimi dhe njerëz si Gimi janë burim i madh votash dhe kjo do të thotë se rikthimi i LSI-së në pushtet është i sigurtë.

Së katërti dhe më kryesorja, me Gimin dhe njerëz si Gimi e duke i bashkuar ata me Petrit Vasilin, merr vlerë reale sllogani “LSI forcë e parë, forcë e paparë”./CNA.al





Lajmet e fundit nga