web counter
LEXO PA REKLAMA!

SHKARKO APP

App Store
Google Play

Rama, thirrje bizneseve/ Rrisni pagat, do jeni shumë vonë kur të mos gjeni punonjës

2023-04-12 18:15:00, Politikë CNA
Rama, thirrje bizneseve/ Rrisni pagat, do jeni shumë vonë kur të
Kryeministri Edi Rama

Kryeministri Edi Rama ka bërë një thirrje për bizneset gjatë një takimi me përfaqësues të biznesit të madh në Durrës.

Rama i kërkoi bizneseve të rrisin pagat e punonjësve dhe të mbajnë të paprekur kapitalin njerëzor.

Ai deklaroi se kur të humbasin punonjësit dhe të mos gjejnë më persona për t’i bërë punën, do të jetë shumë vonë për sipërmarrësit.

“Ajo që ka më shumë rëndësi për ne është që të paktën arsyeja e trajtimit dinjitoz të punonjësve, nuk duhet të jetë problem, por përkundrazi duhet të jetë zgjidhja e problemit. Të gjitha sipërmarrjet të rendin të rrisin pagat dhe të mbajnë të paprekur kapitalin njerëzor sepse kur ta humbasin, do jetë shumë vonë. Kur mos të gjejnë më punonjës që duan të vijnë dhe punojnë me paga shfrytëzimi në kohën ku punojmë, do jetë shumë vonë për ta. E gjithë mungesa e respektit ndaj punonjësve do jetë boomerang ndaj këtyre kompanive”, u shpreh ai.

Kreu i qeverisë deklaroi se pavarësisht se qeveria e ka të pamundur të ndërhyjë në rritjen e pagave te bizneset private, nuk do të rrijë pa bërë asgjë për këtë çështje.

“Jetojmë në një sistem që nuk ia mundëson shtetit të përcaktojë pagat në sektorin privat. Por nga ana tjetër nuk mund të rrimë të bëjmë sehir nëse kompani të caktuara nuk u përgjigjen punonjësve me dinjitet dhe përdorin paga që janë lëmosha shfrytëzimi.  Ajo që ne mund të bëjmë, është vendosja e pagës minimale, që është rritur në 40 mijë lekë, do ta çojmë në 45 mijë lekë brenda këtij mandati besoj unë. Synimi është që në rrugën drejt 2030-ës, Shqipëria të mos ketë pagë minimale nën 60 mijë lekë. Por nuk është e lehtë për ne t’u imponohemi kompanive. Por nuk mund të shikojmë sesi kompani ndërtimi që kanë një shkallë vështirësie aq të ulët të paraqesin paga minimale për punonjësit e tyre. Ata nuk i paguajnë me këto paga realisht, por një pjesë të pagës ua japin nën dorë. Kështu ata iu grabisin punonjësve pensionet dhe sigurimet shëndetësore. Të gjithë në Shqipëri mendojnë se duhen rritur pensionet dhe me të drejtë”, theksoi Rama./ CNA.al





Lajmet e fundit nga