web counter
LEXO PA REKLAMA!

SHKARKO APP

App Store
Google Play

E fundit!

x

Rama mburr inceneratorin në Elbasan/ Nuk ndihem sikur kam bërë punë të keqe

2022-10-21 18:48:00, Politikë CNA
Rama mburr inceneratorin në Elbasan/ Nuk ndihem sikur kam bërë
Foto arkivë - Kryeministri Edi Rama tek inceneratori i Elbasanit

Kryeministri Edi Rama ka mburrur inceneratorin gjatë një takimi që ka zhvilluar me qytetarët në Elbasan.

Rama tha se nuk ndihet keq për inceneratorin e Elbasanit, pasi pretendon se është një nga punët më të mira që ka bërë.

Përsa i përket korrupsionit dhe vjedhjes që është bërë për këtë incenerator, kreu i qeverisë deklaroi se kjo pjesë është një segment për të cilin heton prokuroria dhe ndëshkon gjykata.

“Po shkon Edi Rama në vendin e krimit. Pse për Inceneratorët? Pse cili është krimi? Që hoqëm malin e plehrave, që në këtë orë pengonim që të shohim mirë atë diell. Dhe i dhamë Elbasanit mundësinë që mbetjet t’i mbledhë dhe t’i përpunojë në një impiant ultra modern. Nuk ndihem se kam bërë një punë të keqe, por përkundrazi mendoj se është një nga punët më të mira që kam bërë për Elbasani. Ka filluar punë dhe do të fillojë që të prodhojë energji. Ai impiant është bërë që të krijohet një kompani publike e përbashkët e qarkut, për t’i mbledhur të gjitha mbetjet dhe është ide shumë e mirë që ta shfrytëzojë.

Për atë janë shpenzuar paratë, që do të thotë që pjesa që ka të bëjë më korrupsion dhe vjedhje është një segment i gjithë kësaj pune të madhe për të cilin heton prokuroria dhe ndëshkon gjykata. Kush ka shfrytëzuar rastin që të bëjë një rrugë dhe dy punë të shkojë aty dhe të shkojë ku e kanë vendin ato që ndjekin rrugën e djallit”, theksoi Rama./ B.A. – CNA.al





Lajmet e fundit nga