web counter
LEXO PA REKLAMA!

SHKARKO APP

App Store
Google Play

E fundit!

x

Rama ‘i tregon kufirin’ Yuri Kim/ Këtu zgjedhjen e bëj unë

2022-10-03 22:29:00, Politikë CNA
Rama ‘i tregon kufirin’ Yuri Kim/ Këtu zgjedhjen e bëj
Kryeministri Edi Rama dhe ambasadorja e SHBA, Yuri Kim

Teksa komentoi nismën e Qeverisë për amnistinë fiskale, ambasadorja e SHBA-së në Tiranë, Yuri Kim foli për paratë e krimit dhe kërkoi që udhëheqësit të vendosin kush duhet ta qeverisë vendin, qytetarët apo kriminelët.

Për këtë deklaratë ka reaguar kryeministri Edi Rama, i cili është treguar i prerë me ambasadoren amerikane.

Rama tha në emisionin “Now” me Erla Mëhillin se si udhëheqës i vendit është ai që bën zgjedhjen.

“E para, unë e refuzoj kategorikisht këtë gjuhë që udhëheqësit duhet të zgjedhin kush duhet ta qeverisë këtë vend, qytetarët apo kriminelët. Për sa më takon, si udhëheqës i këtij vendi, e kam bërë zgjedhjen me kohë. E kam bërë zgjedhjen kur kam dalë kundër regjimit komunist, e kam bërë zgjedhjen kur kam hyrë në politikën shqiptare dhe e bëj zgjedhjen time çdo ditë, nuk kam asnjë dilemë për këtë.

Nga ana tjetër, të akuzosh unblock, nuk ndihmon fare qytetarët, nuk ndihmon fare luftën kundër krimit dhe pastrimit të parave, por përkundrazi, krijon një mjegull të madhe ku të vetmit përfitues janë kriminelët dhe pastruesit e parave. Për 1% të shqiptarëve që janë të lidhur me botën e krimit, nuk mund të hidhet baltë mbi 99% të tyre, as jashtë dhe as brenda”, theksoi ai./ B.A. - CNA.al





Lajmet e fundit nga