web counter
LEXO PA REKLAMA!

SHKARKO APP

App Store
Google Play

E fundit!

x

Rama bën deklaratën e fortë për PD/ Financimi rus, me dijeni të një grushti njerëzish, ka akoma…

2022-10-03 18:26:00, Politikë CNA
Rama bën deklaratën e fortë për PD/ Financimi rus, me dijeni
Kryeministri Edi Rama

Kryeministri Edi Rama ka bërë një deklaratë të fortë, gjatë fjalës së tij në seancën plenare që ësthë duke u mbajtur në Kuvend.

Rama tha se hyrja e parave ruse ka qenë me dijeninë e plotë të një grushti njerëzish, ndërsa paralajmëroi se ka më shumë se kaq.

Gjithashtu, ai ironizoi ish-kryeministrin Sali Berisha, që në 2017-ën i dilte në mbrojtje Lulzim Bashën.

“Për sa kohë, ju do keni njerëz të cilët besojnë çdo gjë dhe të kundërtën e çdo gjëje, jeni në të drejtën tuaj të ushqeni kiluzionin se mund të talleni me të gjithë por siç nuk ju ka ecur asnjëherë, sërish nuk do ju ecë kjo tallje me të gjithë sepse do të bënte sens gjithë kjo vijë logjike nëse nuk do të kishit qenë po ju që në atë kohë kur kjo cështje u bë publike nuk do të kishit bërë betime e përbetime për virgjërinë e Lulit. Nëse nuk do të kishte qenë ‘non grata’ juaj që nuk do të kishte dalë me çarçafin e bardhë me asnjë njollë për të predikuar pastërtinë e virgjereshës që mbanit në krye. Nëse nuk do akuzonit Sorosin për fakte që sot medemek kërkoni t’i nxirrni nga kthetrat që i paskam kycur unë për llogari të atij që ju hodhi përtokë në momenti që s’ju duhej më.

Që PD është financuar me para ruse, dihet. I dalë në atë kohë, i mohuar kategorisith nga ju. Atëherë fjalimi juaj ishte komplet tjetër dhe garancia absolute vinte gjithmonë nga ai që thoshte “Mos ma prekni Lulin”. Ishte ai që ka rrëmbyer flamurin e Haxhi Qamilit dhe është nisur për luftë me Amerikën. Kështu që do thoja vetëm kaq, jo vetëm që ato para kanë hyrë me dijeninë e plotë të një grushti njerëzish, por ka më shumë se aq. Do ju sugjeroja të mos hezitoni me deklarata që mund t’ju bien prap ndesh e detyroheni të merrni pozicion tjetër. Ju s’keni lidhje me asgjë nga ato që duhen thënë sot. Ky është një vend sovran që nuk do të dijë për asnjëri, por sidoqoftë këtë kam për borxh t’ua them. Mos u ngusni”, theksoi Rama./ B.A. - CNA.al





Lajmet e fundit nga