Andi Muhametaj 'shuplakë' Kokalarit/ Çdo përbaltje me FRPD-në ju nxjerr si Palaço

2022-10-02 16:48:00, Politikë CNA

Andi Muhametaj

Andi Muhametaj, kryetari i Grupit të Punës në Qarkun Durrës për zgjedhjet e lidershipipit të Forumit Rinor të Partisë Demokratike, ka reaguar pas kritikave për fitoren e Besart Xhaferrit.

Me anë të një statusi në rrjetet sociale, Muhametaj i cilëson aludimet për fitues të paracaktuar të zgjedhjeve si të pabaza dhe thekson se asnjë nga denoncimet e bëra në rrjet nuk kanë ndikuar në rezultatin përfundimtar.

Ai deklaron se rezultati ishte aq i thellë saqë edhe po ti mbledhësh të gjjthë personat mbi 35 vjeç në lista bashkë me ata që kanë votuar me proçesverbal nuk ndryshon fituesi.

Muhametaj i jep një 'shuplakë' aktivites Evi Kokalari, e cila ka sulmuar ashpër Xhaferrin, teksa i thotë se çdo përbaltje me FRPD-në e nxjerr si Palaço.

"Një thirrje per Grupin e Evi Kokalarsave që po sulmojnë "ashpër" proçesin. Unë e kuptoj shumë frustrimin tuaj që nuk u bëtë dot faktor dhe nuk arritet dot që marrëzitë tuaja t'ja induktonit PD-së. Bëjini një nder vetes dhe drejtojini sulmet tuaja në kampin e pushtetit, kjo pasi çdo përbaltje që i bëni PD-së dhe Forumit ju nxjerr si Palaço", thekson ai ndër të tjera.

Statusi i plotë:

Zgjedhjet për kreun e Forumit Rinor të Partisë Demokratike

Shoh shumë mllef nga shumë rryma që sulmojnë proçesin zgjedhor për kreun e FRPD. Aludimet dhe sulmet kryen përgjithsisht të bazuara në 2 supozime:

Andi Muhametaj 'shuplakë' Kokalarit/ Çdo përbaltje me

1. Listat kanë pasur votues të moshës mbi 35 vjeç.

2. Listat kanë pasur problematikë me mungesa anëtarësh, të cilët kanë votuar me proçesverbal.

Bazuar në pikat e mësiperme, po aludohet që proçesi ka qënë i deformuar dhe është paracaktuar fitues Besart Xhaferri.

Pavarsisht se asnjëra nga pikat më sipër nuk ka ndikuar në rezultatin përfundimtar të zgjedhjeve, kjo pasi rezultati ishte aq i thellë saqë edhe po ti mbledhësh të gjjthë personat mbi 35 vjeç në lista bashkë me ata që kanë votuar me proçesverbal nuk ndryshon fituesi, për efekt argumenti le t'i marrim këto dy pika në analizë.

Fakti që listat kanë patur persona të moshës mbi 35 vjeç nuk dmth që këta persona kanë votuar. Në "denoncimet" e bëra me foto në rrjete sociale duke qartësisht që ngjitur me këto emra mungon firma (e domosdoshme për të marrë fletën e votimit). Me shumë gjasa, kjo problematik ka lindur për shkak të teknikaliteve në përgatitjen e listave nga Grupi Qëndror Zgjedhor, ku nuk janë filtruar me kujdesin e duhur listat e anëtarësimit të Forumit. Nuk di të them nëse kjo është për shkak të kohës së limituar që Grupi Qëndror kishte në dispozicion apo nga pakujdesia, por duke qënë se proçesi ishte i hapur dhe çdokush mund të anëtarësohej online, filtrimi ka qënë goxha i vështirë.

Mungesa e anëtarëve të Forumit nëpër lista ka ardhur për shkak se këta anëtar nuk kanë plotësuar formularin e anëtarësimit, i cili ka qënë kusht për të votuar në proçes. Këta anëtar, duke qënë se janë aktivist të njohur ne strukturat e forumit, e kanë marrë të mirëqënë që do jenë pjesë e listave duke neglizhuar një nga kushtet bazë të garës. Për të mos krijuar pakënaqësi, përgjithsisht komisionet vendore zgjdhore nëpër degë, me vendim unanim, anëtarët që njihen për kontributin e tyre & kishin kartë partie/forumi por kishin neglizhuar formularin e aplikimit, u lanë të votonin me proçesverbal.

Personalisht, si Kryetar i Grupit të Punës në Qarkun Durrës, them me bindje të plotë që asnjë kandidat nuk ështe favorizuar. Madje, fituesi i garës Besart Xhaferri, në Qarkun që unë drejtoja, është penalizuar pasi mbi 80 votues të cilet kishin ardhur për ta votuar nuk gjendeshin në list për shkak të problemeve teknike me lista, probleme të sipërcituara. Grupi i punës i Qarkut Durrës ishte i përbërë kryesisht nga anëtar të kandidatëve jo-fitues duke qënë se njëri prej tyre vinte nga ky Qark. Patjetër që ky fakt që unë po citoj është i pamohueshëm edhe nga kandidati tjetër apo vezhguesit e tij pasi kanë qënë prezent personalisht në momentin që votuesit e Besartit ktheheshin mbrapa pasi nuk gjendeshin në list.

Së fundmi një thirrje per Grupin e Evi Kokalarsave që po sulmojnë "ashpër" proçesin. Unë e kuptoj shumë frustrimin tuaj që nuk u bëtë dot faktor dhe nuk arritet dot që marrëzitë tuaja t'ja induktonit PD-së. Bëjini një nder vetes dhe drejtojini sulmet tuaja në kampin e pushtetit, kjo pasi çdo përbaltje që i bëni PD-së dhe Forumit ju nxjerr si Palaço./ B.A. - CNA.al