web counter
LEXO PA REKLAMA!

SHKARKO APP

App Store
Google Play

E fundit!

x

“Nuk do të ndalemi”/ Deputetja e PD-së pas përjashtimit: Nuk më frikëson, me nderon

2023-11-10 20:19:00, Politikë CNA
“Nuk do të ndalemi”/ Deputetja e PD-së pas
Foto ilustruese

Deputetja Elda Hoti, në një prononcim për CNA ka folur për vendimin e Komisionit të Etikës për përjashtimin me 10 ditë nga Kuvendi.

Hoti thotë se ky përjashtim nuk e frikëson por e nderon.

Deputetja ka deklaruar se sot mazhoranca ka përballë një opozita krejt tjetër për të kryer misionin e saj për të cilin e kanë votuar qytetarët.

Hoti tha për CNA se ka mbaruar koha kur opozita blihej apo orekstrohej nga mazhoranca.

Deputetja është shprehur qartë në qëndrimin e saj se nuk do të ndalet në aksionin opozitar deri në plotësimin dhe garantimin e të drejtave thelbësore Kushtetuese.

“Sot mazhoranca ka të bëjë me një opozitë krejt tjetër. Një opozitë e vendosur për të kryer misionin e saj për të cilën qytetarët e kanë votuar. Ka marrë fund koha kur opozita blihej apo orkestrohej sipas oreksit të mazhorancës. Ne as nuk blihemi e as nuk shantazhohemi e as nuk frikësohemi.

Nuk do të ndalemi deri në plotësimin dhe garantimin e të drejtave thelbësore kushtetuese. Çfare po kërkojmë ne? Favore nga mazhoranca?!

Normalisht që jo! Po kërkojme të drejtat që na i garanton Kushtetuta e vendit. Dhe nuk do të ndalemi. Ata shkelin Kushtetutën, shkelin ligjin, shkelin gjithçka. Por sot situata është krejt tjetër. Opozita është funksionale dhe do përballet me çdo mjet me këtë mazhorancë. Sa për përjashtimin, nuk më frikëson por më nderon”, tha Hoti./ CNA





Lajmet e fundit nga