web counter
LEXO PA REKLAMA!

SHKARKO APP

App Store
Google Play

Meta, sërish në panik/ I ‘lëshon’ Cakën Autoritetit të Dosjeve

2022-07-27 15:45:00, Politikë CNA

Meta, sërish në panik/ I ‘lëshon’ Cakën

Ish-presidenti Ilir Meta është shfaqur në panik sot nga lajmi që ka qarkulluar në media, ku sipas Autoritetit të Dosjeve, një politikan I.M. ka qenë ish-bashkëpunëtor i Sigurimit të Shtetit.

Pas përfundimit të deklaratës së Metës për mediat, ku reagoi në lidhje me lajmin, sekretarja për Marrëdhëniet me Publikun, Silvia Caka, ka deklaruar se Meta nuk i është drejtuar kurrë Autoritetit të Dosjeve me asnjë kërkesë për informim.

Caka tha se Autoriteti i Dosjeve nuk i ka vendosur kurrë në dispozicion me kërkesë të tij, Metës një dosje të ish-Sigurimit për shtetasin I.M.

“Lidhur me vendimin 227, datë 17.5.2022, të Autoritetit të Dosjeve, të publikuar sot në media, konfirmojmë zyrtarisht se:

Kryetari i Partisë së Lirisë, z.Ilir Rexhep Meta nuk i është drejtuar kurrë Autoritetit të Dosjeve me asnjë kërkesë për informim.

Autoriteti i Dosjeve nuk i ka vendosur kurrë në dispozicion me kërkesë të tij, z.Ilir Rexhep Meta një dosje të ish-Sigurimit për shtetasin I.M.

Vendimi i Autoritetit të Dosjeve, siç rezulton nga vendimi i është dorëzuar shtetasit I.M, që e ka kërkuar, në një "datë historike", 17 majin e martesës Rama-Basha, por kurrë z.Ilir Rexhep Meta.

Ky vendim provon se Kryetari i Partisë së Lirisë, z.Ilir Rexhep Meta nuk ka asnjë lidhje me shtetasin I.M.

I bëjmë thirrje Autoritetit të Dosjeve, që me një e-mail anonim justifikon këtë lojë të pështirë institucionale, politike dhe mediatike, kur e di shumë mirë brendinë e dosjes dhe pasojat e saj, të sqarojë menjëherë kush është shtetasi I.M.

ASGJË NUK E NDAL REVOLUCIONIN ANTIKORRUPSION! “, tha Caka.





Lajmet e fundit nga