web counter
LEXO PA REKLAMA!

SHKARKO APP

App Store
Google Play

E fundit!

x

Berisha organizon një tjetër tryezë/ Zbulohet qëllimi i takimit me aktivistë dhe zëra kritikë

2022-06-28 16:49:00, Politikë CNA
Berisha organizon një tjetër tryezë/ Zbulohet qëllimi i
Kryetari i Partisë Demokratike, Sali Berisha

Fronti për Shpëtimim e Shqipërisë ka organizuar një bashkëbisedim të dytë me kryetarin e Partisë Demokratike, Sali Berisha.

Mësohet se tryeza do të mbahet në orën 18.00 dhe do të marrin pjesë aktivistë, përfaqësues të grupeve të interesit dhe zëra kritikë.

Raportohet se ata do të diskutojnë mbi bashkimin e kauzave të çdo segmenti të shoqërisë civile dhe grupeve të interesit në një kauzë të madhe të përbashkët, Frontit për Shpëtimin e Shqipërisë, i cili thërret bashkërisht protestën e datës 7 korrik.

“Shqipëria në rrezik! Ç’duhet të bëjmë?!” është mesazhi i kësaj proteste. 

Organizatori Altin Goxhaj shprehet para aktivitetit: “ Përgjigja e pyetjes “Ç’duhet të bëjmë?!” ishte dakortësia që duhet të bashkohemi në një Front të përbashkët për Shpëtimin e Shqipërisë nga Axhenda e Rrënimit, Falimentimit dhe Shpopullimit dhe për këtë si aksion të parë rezistence të thërrasim bashkërisht me të gjitha forcat opozitare, shoqërinë civile, grupet e interesit, aktivistët dhe të gjithë qytetarët dhe zërat e fortë publik të angazhuar në kauzat komunitare që po i rezistojnë Regjimit, në një protestë masive në dt 7 Korrik 2022 ora 19:00.

Qëllimi i takimit është të rakordojmë me Kryetarin e Opozitës Z. Sali Berisha bashkimin e të gjitha kauzave në një kauzë të përbashkët #PërShpëtim të Shqipërisë nga Axhenda e Regjimit për Rrënimin dhe Shpopullimin e Shqipërisë me qëllim që për herë të parë pas kaq vjetësh më së fundi Qeveria të fillojë të ketë Frikë Popullin dhe jo më si deri tani Populli ka frikë Qeverinë! Takimi është i hapur dhe çdo kush zë aktiv apo aktivist qytetar dhe politik që mbron dhe adreson një kauzë, shqetësim publik, apo kërkon mbrojtjen e një të drejte të nëpërkëmbur ka rastin që të përfshihet në bashkimin e të gjitha kauzave si një puzle i madh që përfshin të gjithë kauzat! “Shqipëria në rrezik #7korrik”/ B.A. - CNA.al

Berisha organizon një tjetër tryezë/ Zbulohet qëllimi i





Lajmet e fundit nga