web counter
LEXO PA REKLAMA!

SHKARKO APP

App Store
Google Play

Zyrtari socialist në pranga për drogë/ Berisha: Si po vesh Rama e Veliaj me pushtet çdo kriminel

2022-06-16 19:10:00, Politikë CNA
Zyrtari socialist në pranga për drogë/ Berisha: Si po vesh Rama e
Ish-kryeministri dhe kryetari i Partisë Demokratike, Sali Berisha

Ish-kryeministri dhe kryetari i Partisë Demokratike, Sali Berisha, ka reaguar lidhur me arrestimin e Egert Vargut, këshilltarit të Erion Veliajt, pasi dyshohet se është i përfshirë në trafikun e 45 kilogramëve kokainë, që u kapën mbrëmë në Portin e Durrësit.

Me anë të një statusi në rrjetet sociale, Berisha thotë se kryeministri Edi Rama dhe kryetari i Bashkisë së Tiranës kanë bërë të mundur veshjen me pushtet të çdo krimineli.

Sipas tij, Rama dhe Veliaj kanë punësuar trafikantë në administratë publike dhe i kanë emëruar drejtora e ministra.

“Këshilltari socialist i Velisë, Vargu, trafikant i kokainës!

Cdo javë një zyrtar i Edi Rames dhe narkoshtetit te tij kapet me drogë!

Miq,

Kjo nuk është më një qeveri, kjo nuk është më një parti që drejton vendin, por një organizatë e strukturuar trafiku droge. Policia ka arrestuar Egert Vargun, si të përfshirë në trafikun e 45 kg kokainë nga Brazili drejt Shqipërisë. Ai figuron këshilltar në Bashkinë e Lali Er Drogës, gjithashtu dhe anëtar i komisionit të financës dhe buxhetit.

Edi Narkotiku dhe Lali Droga kanë bërë të mundur veshjen me pushtet të çdo krimineli, duke i punësuar ata në administratë publike dhe duke i emëruar drejtora e ministra.

Për çfarë përgjigjej si këshilltar ky zotëri? Për ekspertizë të thelluar në trafikun e drogës apo për këshilla lidhur me strategjitë që duhet të përdoren nga Lali Droga për mbarëvajtjen e rrugëtimit të kokainës drejt Shqipërisë?

Qeveritaret socialistë nuk ngopen me vjedhjet në buxhetin dhe pronat publike por duan edhe paratë e droges. #sb”, shkruan kryetari i PD-së./ B.A. – CNA.al





Lajmet e fundit nga