web counter
LEXO PA REKLAMA!

SHKARKO APP

App Store
Google Play

E fundit!

x

'Burg për gazetarët që publikojnë dëshmitë e Dumanit’/ Berisha reagon ashpër ndaj SPAK

2022-06-16 17:57:00, Politikë CNA
'Burg për gazetarët që publikojnë dëshmitë e
Ish-kryeministri dhe kryetari i Partisë Demokratike, Sali Berisha

Ish-kryeministri dhe kryetari i Partisë Demokratike, Sali Berisha ka reaguar për vendimin e SPAK për dënimin me burg të gazetarëve që publikojnë dëshmitë e të penduarit të drejtësisë, Nuredin Dumani.

Berisha e cilëson si antikushtetues vendimin e SPAK, që pretendon se ka ardhur me urdhër të kryeministrit Edi Rama.

Me anë të një statusi në rrjetet sociale, ish-kryeministri deklaron se kjo shënon rikthimin e ligjit e dënimit për agjitacion e propagandë të diktaturës së Enver Hoxhës.

Kreu i PD-së u bën thirrje institucioneve ndërkombetare të mbrojtjes së lirisë së mediave të dënojnë me ashpërsinë më të madhe këtë vendim të SPAK.

“Vendimi antikushtetues i Edi Rames me SKAP-in e Partise rikthen ligjin e Agjitacion Propagandes!

Te dashur miq,

Vendimi i Edi Rames me Skap-in e tij per te denuar me 3 vite burg gazetaret qe publikojne deshmite e Dumanit te qeverise eshte nje akt antikushtetues, censure policeske, dhe atentat ndaj lirise se mediave, i ndermarre per te mbrojtur Edi Ramen dhe qeveritaret e tij qe kane qindra ore telefonata me Dumanet e qeverise.

Ky vendim i pashembullt ne 30 vitet e fundit shenon rikthimin e ligjit e denimit per agjitacion e propagande te diktatures Hoxhiste.

Denoj me forcen me te madhe kete akt tejet te rende censure dhe kerkoj largimin e menjehershem te mercenarve te Edi Rames nga sistemi i drejtesise. Gjithashtu, u bej thirrje gazetareve te mos zbatojne akte antikushtetuese, por te qendrojne te pamposhtur ne mbrojtje te lirise se mediave, dhe te publikojne çdo telefonate te Edi Rames, Taulant Balles, Erion Veliajt, Damian Gjiknurit dhe te çdo deputeti, qeveritari vendor, gjykatesi apo prokurori dhe çdo zyretari tjeter me vrasesit serial, perdhunuesit, grabitesit e bandave te partise.

U bej thirrje institucioneve nderkombetare te mbrojtjes se lirise se mediave te denojne me ashpersine me te madhe kete vendim te rrezikshem. Sb”, shkruan Berisha./ B.A. – CNA.al





Lajmet e fundit nga