Ish-nënkryetari i KQZ-së konfirmon CNA/ Financimi i Endrit Shabanit nga ambasada britanike, në shkelje të ligjit

2023-03-07 21:33:00, Politikë CNA

Ish-nënkryetari i KQZ-së konfirmon CNA/ Financimi i Endrit Shabanit

Dy ditë më parë CNA.al publikoi një investigim për kreun e Nismës Thurje, Endrit Shabanin, i cili ka shpallur kandidaturën për bashkinë e Tiranës.

Shabani, me anë të një postimi në Facebook thonte se po krijonte një projekt të quajtur Akademi Politike për të rinjtë, ku sipas tij sponsor ishte një fondacion i huaj dhe Ambasada Britanike.

Por neni 21 i ligjit për partitë politike në Kodin Zgjedhor e ndalon financimin partive politike nga qeveri të huaja dhe në këtë rast ambasada është përfaqësi e një shteti të huaj.

Kështu Shabani u kap “gafil”, ndonëse pretendon se nuk ka asnjë shkelje ligji, pasi nuk është në fushatë elektorale. Skandali është thelluar më tej, pasi pas 20 orësh, kandidati për Tiranën ndryshoi postimin e tij duke hequr fjalën ku përmendej mbështetja nga Ambasada Britanike dhe duke lënë vetëm fondacionin mbështetës të projektit të tij.

Ish-nënkryetari i KQZ-së konfirmon CNA/ Financimi i Endrit Shabanit

Lidhur me këtë denoncim të CNA.al ka pasur edhe një reagim nga ish-nënkryetari i KQZ-së, Hysen Osmanaj.

Gjatë një prononcimi për CNA.al, Osmanaj përforcon dhe më tepër “kapjen mat” të Kreut të Nismës Thurje.

Ish-nënkryetari i KQZ-së konfirmon CNA/ Financimi i Endrit Shabanit

I pyetur në lidhje me skandalin e Shabanit, Osmanaj u shpreh se financimi i forcave politike të financuara nga organizatat e huaja nuk është e lejueshme.

“Financimi i forcave politike të financuara nga organizatat e huaja jashtë qoftë edhe nga qeveria nuk lejohet për mua. Kështu ka qenë Kodi Zgjedhor dhe kështu do të jetë. Për edukimin e zgjedhësve lejohet, për trajnimin e komisionerëve e bën KQZ dhe jo forcat politike.

KQZ mund ta financojnë ambasadat, por vetëm këtë për aktivitete të ndryshme. Financimi për fushatë zgjedhore e ndalon me ligj Kodi Zgjedhor.

Në këtë rast një nga këto organe drejtuese të KQZ, komisioneri, pastaj Komisioni i ankesave dhe sanksioneve pastaj duhet një forcë politike që të ankohet dhe ai komison vendos aksione. E pezullon menjëherë komisionerin nëse është për fushatë zgjedhore, ndërsa masa duhet të marrë Komisioni i ankesave dhe sanksioneve”, u shpreh Osmanaj.

Pra, ish-nënkryetari i KQZ-së ka konfirmuar atë që CNA.al ka deklaruar më herët. Financimi i Endrit Shabanit nga Ambasada Britanike në prag të zgjedhjeve është në shkelje të ligjit.

Tashmë ky është fakt. Endrit Shabani është “kapur mat” përveçse me shkelje, edhe duke gënjyer publikisht./CNA.al