web counter
LEXO PA REKLAMA!

SHKARKO APP

App Store
Google Play

Celibashi, i prerë/ Nëse Basha nuk dorëzon dokumentacionin, PD s’regjistrohet në zgjedhje

2023-03-09 21:44:00, Politikë CNA
Celibashi, i prerë/ Nëse Basha nuk dorëzon dokumentacionin, PD
Kreu i KQZ-së, Ilirjan Celibashi

Nëse Lulzim Basha si kryetar i PD-së nuk plotëson dokumentacionin e plotë, të kërkuar nga Komisioni Qendror i Zgjedhjeve për 48 orë, PD nuk do të regjistrohet në zgjedhje si parti politike.

Këtë e ka bërë të ditur kreu i KQZ-së, Ilirjan Celibashi, i cili tha në një intervistë televizive se Basha duhet të regjistrojë dokumentacionin.

Ai theksoi se deklarata duhet të jetë e nënshkruar nga kryetari i Partisë Demokratike, në këtë rast Lulzim Basha.

“Ka 48 orë nga sot për të plotësuar dokumentacionin. Nëse dokumentacioni nuk plotësohet, nuk do të bëhet regjistrimi. Deklarata duhet të jetë e nënshkruar nga kryetari i Partisë Demokratike”, theksoi Celibashi.

Kujtojmë se Basha zyrtarisht rezulton ende kryetar i Partisë Demokratike. Ndonëse ai deklaroi një vit më parë se po jepte dorëheqjen, nuk e ka bërë këtë asnjëherë zyrtarisht./ CNA.al





16:59 POLITICS

Gjokutaj

Avokati, Genc Gjokutaj ka folur për vendimin e KQZ në lidh...

Lajmet e fundit nga