web counter
LEXO PA REKLAMA!

SHKARKO APP

App Store
Google Play

E fundit!

x

Berisha rendit arsyet/ Përse Rama po sulmon prej 3 ditësh Albin Kurtin

2023-06-03 19:02:00, Politikë CNA
Berisha rendit arsyet/ Përse Rama po sulmon prej 3 ditësh Albin Kurtin
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka sulmuar kryeministrin Edi Rama për qëndrimet që ky i fundit ka mbajtur në lidhje me situatën në veri të Kosovës.

Me anë të një statusi në rrjetet sociale, Berisha e cilëson gjuhën e Ramës ndaj kryeministrit të Kosovës, Albin Kurtit, si vulgare.

Ai rendit disa nga arsyet se përse kreu i qeverisë po sulmon Kurtin, që sipas tij lidhen me miqësinë me presidentin serb, Aleksandër Vuçiç dhe me tentativën për të mbuluar skandalin me ish-zyrtarin e FB-SË, Charles McGonigal, si dhe zgjedhjet e 14 majit.

Statusi i plotë:

Përse prej tri ditësh Rama i përvishet Albin Kurtit!

Të dashur miq, ka ditë që Edi Rama i është përveshur Albin Kurtit, në mënyrën më vulgare, me gurë në strajcë. Ndërkohë që një qëndrim të tillë nuk e ka mbajtur asnjë kryeministër i rajonit, dhe problemi apo kriza e fundit po trajtohet në nivelet më të larta politike botërore, në Shtëpinë e Bardhë, Departamentin e Shtetit, Pallatin Elize, Kancelarinë Gjermane dhe BE.

Megjithëse Rama e di se sulmet dhe kërkesat e tij te Kurti, për arsye tashmë të njohura, kanë zero efekt. Përsëri ai vazhdon çdo ditë të lëshojë rrufe ndaj tij, si askush tjetër.

Arsyet kryesore të këtij qëndrimi janë:

• Së pari, Rama e bën këtë për të mbrojtur padronin e tij, Vuçiç dhe për të nxjerrë Kurtin, që i ka treguar vendin me kohë, si djallin me zile.

• Së dyti, si hakmarrës ai e bënë këtë për të ndërsyer në këtë moment të pafavorshëm për Kurtin forcat politike në Kosovë kundër tij. Por përsëri, për shkak të lidhjeve të tij të ngushta me Vuçiçin, në këtë rast, kjo ndihmë nuk do të pranohet prej tyre.

Por arsyeja me kryesore qëndron në faktin se me këto deklarata të përditëshme, për një çështje të mprehtë, për majat e politikës botërore, Rama beson se me këto deklarata:

A- Do mund të kriojë për vete një mëshirë perëndimore, për të shpëtuar nga afera e tmereshme korruptive e tij me McGonigal, për të cilën në SHBA ai është nën hetim të hapur penal dhe…

B- Do mund të mbulojë farsën e turpshme zgjedhore të 14 majit, e cila kundërmon histori turpi në mbarë Europën.

Por gabon, sepse përveç Vuçiçit, Ramën nuk e dëgjon njeri. sb/ CNA.al





Lajmet e fundit nga