web counter
LEXO PA REKLAMA!

SHKARKO APP

App Store
Google Play

Kontrolle të befasishme në pikat kufitare/ Sekuestrohen 30 mijë euro

2023-02-16 15:25:00, Kronika CNA

Kontrolle të befasishme në pikat kufitare/ Sekuestrohen 30 mijë

Shërbimet e Policisë Kufitare, në të gjitha pikat kufitare të vendit, bazuar në analizat e riskut, kanë intensifikuar kontrollet me qëllim parandalimin, evidentimin dhe goditjen e paligjshmërive kufitare. Si rezultat, u goditën 5 raste të këtyre paligjshmërive në fusha të ndryshme.

Në Pikën Kufitare Morinë dhe në Rinas, në hyrje të Republikës së Shqipërisë, u kaluan në vijën e dytë, për kontroll të imtësishëm, përkatësisht, automjeti me drejtues shtetasin T. S. dhe shtetasin D. V. Në çantën e shtetasit T. S.,  u gjetën dhe u sekuestruan 19 600 euro, ndërsa në çantën e dorës të shtetasit D. V., u gjetën dhe u sekuestruan 11 250 euro, shuma këto të padeklaruara sipas përcaktimeve ligjore në fuqi. Në përfundim të veprimeve procedurale, u iniciua procedimi në gjendje të lirë për shtetasin çek T. S., 55 vjeç dhe për shtetasin D. V., 34 vjeç, banues në Tiranë.

Ndërsa në Portin e  Durrësit, u vunë në pranga shtetasit N. H., 54 vjeç dhe G. Q., 30 vjeç, të dy banues në Kosovë, pasi shtetasi G. Q. tentoi të kalonte kufirin, në kundërshtim me ligjin, duke përdorur pasaportën false me të cilën e kishte pajisur 54-vjeçari.

Në Pikën Kufitare të Kakavijës, në dalje të Republikës së Shqipërisë u kalua për kontroll të imtësishëm, në vijën e dytë, automjeti me drejtues shtetasin G. L., në të cilin, si rezultat i kontrollit, u gjet dhe u sekuekstrua një sasi lënde e dyshuar narkotike kanabis. Në përfundim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasin G. L., 28 vjeç, rezident në Greqi.





Lajmet e fundit nga