web counter
LEXO PA REKLAMA!

SHKARKO APP

App Store
Google Play

Video-Vilë tre katëshe me drogë/ Hashashi në tjetër nivel

2023-02-15 09:30:00, Kronika CNA

Video-Vilë tre katëshe me drogë/ Hashashi në tjetër

Në kuadër të operacionit policor të koduar “Vila”, Policia  ka zbuluar një vilë të përshtatur për kultivim të bimëve narkotike, me anë të llambave.

Në pranga është vënë  pronari i vilës 3-katëshe, i cili kishte përshtatur 5 dhomat e njërit kat, për kultivimin e bimëve narkotike, me anë të llambave që furnizoheshin me lidhje të paligjshme të energjisë elektrike.

Gjithashtu janë vënë në pranga faturisti dhe elektricisti i OSHEE-së, për veprën penale "Shpërdorimi i detyrës".

“Në vijim të punës për goditjen e tentativave për kultivim të bimëve narkotike në ambiente të hapura e të mbyllura, si rezultat i kontrollit të imtësishëm të territorit, mbështetur në inteligjencën policore se në fshatin Dërmënas, në vilën e shtetasit E. M. kultivoheshin bimë narkotike, është organizuar dhe finalizuar nga Komisariati i Policisë Fier, në bashkëpunim me Seksionin për Hetimin e Narkotikëve të DVP Fier, operacioni policor i koduar “Vila”.

Në kuadër të këtij operacioni, në përfundim të veprimeve të para hetimore u bë arrestimi në flagrancë i shtetasve:

- E. M. alias Xh. G., 44 vjeç, banues në Dërmënas, Fier, për veprat penale "Prodhimi dhe shitja e narkotikëve" dhe "Vjedhja e energjisë elektrike". Ky shtetas është pronari i vilës në të cilën Policia zbuloi 5 ambientet e përshtatura për kultivim të bimëve narkotike;

-K. G., 40 vjeç, banues në Fier, me detyrë faturist i OSHEE-së, për veprën penale "Shpërdorimi i detyrës”;

-B. F., 47 vjeç, banues në Fier, me detyrë elektricist i OSHEE-së, për veprën penale "Shpërdorimi i detyrës".

Vijon puna për identifikimin dhe kapjen e personave të tjerë të dyshuar të përfshirë në këtë veprimtari kriminale. Në bashkëpunim me Prokurorinë, vijon dhe hetimi pasuror ndaj pronarit të vilës, shtetasit E. M”, njofton Policia./CNA.al





Lajmet e fundit nga