Dyshohet se ka lidhje me zhdukjen e Martinajt/ Kush është ish-oficeri, personazhi

2023-11-21 18:52:00, Kronika CNA

Dyshohet se ka lidhje me zhdukjen e Martinajt/ Kush është ish-oficeri,

Klodiana Lala, gazetare

Një nga personat e arrestuar nga operacioni i SPAK është Bujar Germizi, një personazh mjaft i përfshirë në botën e krimit.

Gazetarja Klodiana Lala ka deklaruar se ky person dyshohet se ka lidhje në zhdukjen e Ervis Martinajt.

Gazetarja thekson se, Bujar Germizi, është ish-oficer i forcave speciale, ish-gardist, shoqërues i disa personaliteteve të ministrave dhe ish-ministrave.

Ai ishte arrestuar nga autoritetet e Maqedonisë së Veriut për çështje të trafikut të drogës, u arratis në mënyrë spektakolare nga burgu.Pati një përpjekje shumë të madhe për ta arrestuar.

“Kohët e fundit mendohet se ishte lidhur me disa grupe kriminale”, theksoi gazetarja dhe thuhet se është i futur thellë në trafikun e drogës dhe këtu bëhet lidhja me Ervin Matën

“Kush është personazhi surprizë për median shqiptare?

Unë e kam njohur disa vite përpara dhe për herë të parë e kam hasur me dokumente zyrtare në 2014 kur autoritetet e Maqedonisë së Veriut, ku dyshohet se ka lidhje edhe me zhdukjen e Ervis Martinit.

Bujar Gërmizi, është ish-oficer i forcave speciale, ish-gardist, shoqërues i disa personaliteteve të ministrave dhe ish-ministrave. Ishte arrestuar nga autoritetet e Maqedonisë së Veriut për çështje të trafikut të drogës, u arratis në një arratisje spektakolare nga burgu. Pati një përpjekje titanike atje për ta arrestuar. Ai hyri në Shqipëri dhe kërkoi që dosja të sillej këtu. Autoritetet maqedonase nuk pranuan dhe kërkuan të arrestohej dhe më pas të sillej dosja.

Duke qenë se ishte në veri të vendit, duket se nuk tërhoqi vëmendjen. Për shkak të punës në Gardën e Republikës dyshohej për grabitjen e Bankës së Kursimeve në shuma të konsiderueshme prej 300 apo 400 milionë lekë. U arrestua dhe u dërgua në burg në Prizren, pati revolta të forta. Kohët e fundit mendohet se ishte lidhur me disa grupe kriminale. Është i futur thellë në trafikun e drogës dhe këtu bëhet lidhja me Ervin Matën. Është duke u hetuar edhe në lidhje me zhdukjen e Ervis Martinajt”, tha Lala./ CNA