web counter
LEXO PA REKLAMA!

SHKARKO APP

App Store
Google Play

E fundit!

x

Lidhja mes Ervin Matës dhe djalit të Erzen Breçanit, dyshimet për vendndodhjen e tyre

2023-11-21 10:44:00, Kronika CNA
Lidhja mes Ervin Matës dhe djalit të Erzen Breçanit, dyshimet
Ervin Mataj

CNA ka mësuar detaje rreth aksionit të bujshëm të SPAK, ku janë lëshuar në total 11 urdhër-arreste. Mes personave të shpallur në kërkim janë Ervin Mata dhe Erzen Breçani. Dyshohet se këta të fundit ndodhen në vendet e Amerikës Latine.

Ata akuzohen se kryenin trafik të drogës nga vendet e Amerikës Latine drejt Europës. Ndërkohë mes Matës dhe Eralbi Breçanit ka edhe lidhje familjare, pasi ky i fundit ka si partnere motrën e të shumëkërkuarit. 

Vijon ende aksioni i policisë në bashkëpunim me SPAK për kapjen e personave në kërkim. Në total deri më tani janë arrestuar 5 persona, 5 të tjerë janë në kërkim dhe ndaj një oficereje është vendosur masa e sigurisë "detyrim paraqitje".  

Në prangat e policisë kanë rënë, Erzen Breçani, ish-zv.drejtori i Policisë së Tiranës, Dedan Gjoni, Shefi i Krimeve në Komisariatin numër 6 dhe Bujar Germizi, emër i njohur i botës së krimit në Kukës. 

Masë "detyrim paraqitje" Gjykata e Posaçme ka vendosur ndaj Jonida Babametos, oficere e Drejtorisë së Kufirit dhe Emigracionit.

Të sipërpërmendurit akuzohen për trafik droge, vrasje, grup të strukturuar kriminal dhe pastrim parash./CNA

 





Lajmet e fundit nga