web counter
LEXO PA REKLAMA!

SHKARKO APP

App Store
Google Play

Strukturat ilegale të Serbisë agresive/ Kurti: Nëntë barrikada janë ende në veri

2022-08-01 13:19:00, Kosova & Bota CNA

Strukturat ilegale të Serbisë agresive/ Kurti: Nëntë

Kryeministri i Kosovës, Albin Kurti, dhe minsitri i Brendshëm po mbajnë konferencë për media.

Kurti ka thënë se "mbrëmë ka pasur të shtëna në drejtim të Policisë së Kosovës dhe nëntë barrikada me njerëz të armatosur që i kanë ndaluar qytetarët me automjete dhe këmbësorë".

"Strukturat ilegale të Serbisë janë bërë banda kriminale, agresive si asnjëherë më parë. Janë me dhjëtëra shkelje të rënda të ligjit, me të cilat po merret Policia”, ka thënë Kurti duke shtuar se nuk ka të plagosur me armë zjarri, siç ishte raportuar nëpër disa media.

“Qeveria e Kosovës e përsërit zotimin që në momentin kur hiqen barrikadat dhe vendoset liria e plotë e lëvizjes, shtyhet zbatimi i dy vendimeve të Qeverisë”, ka konfirmuar kryeministri Kurti.

Sveçla: Deri në mesditë u lëshuan mbi një mijë dokumente

Në të gjitha pikat kufitare të Kosovës nga orët e para të 1 gushtit dhe deri në mesditë, janë lëshuar mbi 1 mijë e 500 dokumente hyrëse për qytetarët me shtetësi serbe.

Kështu ka njoftuar ministri i Punëve të Brendshme i Kosovës, Xhelal Sveçla, i cili ka bërë të ditur se dy pikat kufitare në Jarinjë dhe Bërnjak po vazhdojnë të jenë të mbyllura.

Strukturat ilegale të Serbisë agresive/ Kurti: Nëntë

Sipas të dhënave të MPB-së, shumica e dokumenteve janë lëshuar në pikëkalimin kufitar në Dheun e Bardhë dhe në Merdare.

Sipas Qeverisë së Kosovës, vendimi për reciprocitet do të qëndrojë në fuqi deri në largimin e plotë të barrikadave në drejtim të Jarinjes dhe Bërnjakut./REL





Lajmet e fundit nga