web counter
LEXO PA REKLAMA!

SHKARKO APP

App Store
Google Play

E fundit!

x

Raporti i OBSH-së: 1 në 6 njerëz në mbarë botën preken nga infertiliteti

2023-04-04 08:51:00, Kosova & Bota CNA

Raporti i OBSH-së: 1 në 6 njerëz në mbarë botën

Për miliona çifte në mbarë botën, ngjizja e një fëmije mund të jetë jashtëzakonisht e vështirë, ndërkohë që shpresat për të krijuar një familje shuhen nga dita në ditë.

Rreth një në gjashtë njerëz në mbarë botën përballen me infertilitet në një moment të jetës së tyre, sipas një raporti të ri nga Organizata Botërore e Shëndetësisë (OBSH).

Hulumtimet tregojnë se 48 milionë çifte dhe 186 milionë njerëz jetojnë me infertilitet në mbarë botën.

"Kjo është një çështje globale që prek njerëzit në të gjitha vendet dhe në të gjitha sferat e jetës," u tha gazetarëve Gitau Mburu, një shkencëtar i fertilitetit në OBSH, shkruan Euronews. 

Agjencia shëndetësore e përkufizon infertilitetin si "një sëmundje e sistemit riprodhues të mashkullit apo femrës e përcaktuar nga dështimi për të arritur një shtatzëni pas 12 muajsh”.

“Në bazë të të dhënave që kemi, nuk mund të themi se infertiliteti është në rritje apo konstante", u shpreh Ames Kiarie, Shefi i Kontracepsionit dhe Kujdesit të Fertilitetit të OBSH-së.

Raporti zbuloi gjithashtu se prevalenca e infertilitetit ndryshon nga një rajon gjeografik në tjetrin. 

Sipas OBSH-së, në çdo moment afërsisht rreth 12.6 për qind e popullsisë globale lufton me infertilitetin. Kjo përqindje është më e larta në rajonin afrikan të OBSH-së, me 16.4 për qind, dhe më e ulëta në Rajonin e Mesdheut Lindor, me 10 për qind.

Megjithatë, raporti thekson se mungesa e të dhënave të disponueshme në shumë vende, e bëri të vështirë krahasimin në detaje mes vendeve. 

 

 





08:26 World

Finland joins NATO

After Turkey agreed for Finland to join NATO, today th...

Lajmet e fundit nga